| e-texts navigator |
| Wylie |
291b1 བཙུམས་ཏེ་ལུས་དྲང་བར་འདུག་ལ་དེ་བཞིན་གཤེགས་པའི་སྤྱན་ལ་ཞག་གཅིག་ནས་ཞག་བདུན་གྱི་བར་དུ་བརྟགས་ན། ཕྱི་མ་མ་འོངས་པའི་དུས་ན་རྟག་ཏུ་སངས་རྒྱས་མཐོང་བ་དང་། ནམ་དུ་ཡང་ལོང་བ
291b2 འམ། ཞར་བར་མི་འགྱུར་པ་དང་། ཡུལ་མཐའ་འཁོབ་དང་། ངན་པར་ལྟ་བའི་ཡུལ་སངས་རྒྱས་ཀྱི་ཆོས་མེད་པའི་གནས་སུ་མི་སྐྱེ་བ་དང་། རྟག་ཏུ་ཤེས་རབ་དང་ལྡན་ཞིང་གཏི་མུག་ཅན་དུ་མི་འགྱུར
291b3 རོ། ། བཅོམ་ལྡན་འདས་ཀྱིས་རྒྱལ་པོ་ཡབ་ལ་བཀའ་སྩལ་པ། དེ་བས་ན་མཁས་པ་ཤེས་རབ་ཅན་དག་འདོམས་ཤིང་འཐོམ་པ་སྤོང་བར་འདོད་ན། སངས་རྒྱས་ཀྱི་སྤྱན་རྗེས་སུ་དྲན་པར་བྱའོ།། སངས་རྒྱས་ལ་སྤྱན
291b4 ལྔ་ཞིག་མངའ་སྟེ། རྗེས་སུ་དྲན་པར་བྱ་བ་འདིར་ཆོས་ཀྱི་ནང་ནས་སྔར་ཤའི་སྤྱན་ཡོངས་སུ་དག་ཅིང་འོད་རབ་ཏུ་གསལ་བ་བཤད་དོ།། སྨྲ་ན་རྗེས་སུ་དྲན་པར་བྱས་ཏེ། སེམས་ལ་གསལ་བར་གྱུར
291b5 བ་ན། དེ་ལས་བྱུང་བའི་ཁྱད་པར་གྱི་སྤྱོད་ཡུལ་ནི་རྒྱས་པར་བཤད་དུ་སླ་བ་མ་ཡིན་ནོ།། སངས་རྒྱས་ཀྱི་སྤྱན་གྱི་སྤྱོད་ཡུལ་བཞིན་དུ་ཐང་གཅིག་ཡུད་ཙམ་གཅིག་རྗེས་སུ་དྲན་པར་བྱེད་དམ། སྐུ
291b6 གཟུགས་ཀྱི་སྤྱན་ལ་རྟོགས་པར་བརྟགས་ན། མ་འོངས་པའི་དུས་ན་སྐྱེ་བ་ལྔ་བརྒྱའི་བར་དུ་དབང་པོ་གསལ་ཞིང་དག་པ་དང་། མིག་གི་དབང་པོ་ལ་ནད་མེད་པ་དང་། གཞན་ཡང་བསྐལ་པ་ཆེན་པོ
291b7 བདུན་སྙེད་ཀྱི་འཁོར་བའི་ཉེས་པ་ཡོངས་སུ་སྤངས་པར་འགྱུར་རོ། ། བཅོམ་ལྡན་འདས་ཀྱིས་དགའ་བོ་དང་འཁོར་རྣམ་བཞི་ལ་བཀའ་སྩལ་པ། སངས་རྒྱས་ཀྱི་སྤྱན་རྗེས་སུ་དྲན་པ་ནམ་དུ་ཡང་མ་གཏང
iiif viewer powered by OpenSeadragon
