| e-texts navigator |
| Wylie |
291a1 པའི་སྤྱན་གྱི་རྫི་མ་ནི། ལྕུག་འོག་གཉི་ག་ནས་སྐྱེས་ཏེ། དེ་དག་སོ་སོ་ནས་ཉག་མ་ལྔ་བརྒྱ་སྙེད་དོ།། དེ་ཤིན་ཏུ་འཇམ་ལ་ཡིད་དུ་འོང་བ་ནི། མེ་ཏོག་ཨུ་དུས་འབར་བའི་ཟེ་བ
291a2 བུ་སྟེ། སྤུ་ཉག་མ་རེ་རེའི་རྩེ་མོ་ལ་ཡང་ཤེལ་གྱི་ཁ་དོག་ལྟ་བུའི་འོད་རེ་རེ་བྱུང་ནས་མཚན་བཟང་པོ་ཀུན་གྱི་ནང་དུ་ཞུགས་ནས་དབུལ་ལན་ཅིག་སྐོར་ཏེ། ལྷག་ཁུང་ནས་བྱུང་ནས་འོད་སྔ་མ་རྣམས་ལ
291a3 བསྐོར་ཏོ། ། དེ་དག་གི་ནང་ན་པདྨ་སྔོན་པོ་བཻ་ཌཱུཪྻའི་མདོག་ལྟ་བུ་ཡོད་དེ། པདྨོ་དེའི་སྟེང་ན་ཚངས་པའི་རྒྱལ་པོ་ལག་ན་གདུགས་སྔོན་པོ་ཐོགས་པ་ཡོད་དོ།། མཚན་འདི་བྱུང་བ་ན་སངས་རྒྱས་ཀྱིས་སྤྱན
291a4 ཡང་ལྷག་པར་དཀར་ནག་བྱེ་སྟེ། དཀར་བ་ཡང་རིན་པོ་ཆེ་དཀར་པོ་བས་བརྒྱ་སྟོང་གིས་ལྷག་པར་དཀར་རོ།། སྔོབ་ཡང་པདྨོ་སྔོན་པོ་དང་། བཻ་ཌཱུརྱ་མཐོན་མཐིང་བས་བརྒྱ་སྟོང་གིས་ལྷག་པར་སྔོའོ།། སྤྱན་ལྷག
291a5 འོག་གཉིས་ག་འཛུམ་པ་ནི། ཁྱུ་མཆོག་རྒྱལ་པོའི་མིག་ལྟ་བུའི་སྤྱན་གཉིས་ཀྱི་ཐོག་མ་ལ་འོད་པདྨོ་སྔོན་པོའི་ཁ་དོག་འདྲ་བ་རབ་ཕྲ་བ་གཉིས་བྱུང་སྟེ། དབུའི་ཉག་མ་ལ་ལན་རེ་བསྐོར་ནས་ལྷག་ནས་ཕྱིར
291a6 བྱུང་སྟེ། ། འོད་ཀྱི་པདྨོ་གྲངས་མེད་པ་ཀུན་སྣང་བར་བྱས་ནས། པདྨོའི་ཁ་འབུ་བར་བྱེད་ཅིང་འོད་ཀྱང་ལྷག་པར་གསལ་བར་བྱེད་དོ།། དེ་ལྟར་མཚན་དམ་པ་ཡོན་ཏན་ཚད་མེད་པ་དང་ལྡན་པ་ནི་དེ་བཞིན
291a7 གཤེགས་པའི་སྤྱན་ཞེས་བྱ་སྟེ། དེ་བཞིན་གཤེགས་པའི་སྤྱན་གྱི་མཚན་ལ་རྟོག་པར་འདོད་པ་དག་དེ་ལྟར་རྗེས་སུ་དྲན་པར་བྱའོ་དེ་ལྟར་རྗེས་སུ་དྲན་པར་བྱེད་ན་ཉེས་པ་ཀུན་ཞི་ཞིང་བྱང་བར་འགྱུར་རོ།། མིག
iiif viewer powered by OpenSeadragon
