| e-texts navigator |
| Wylie |
290b1 ཏེ། དེ་ཡང་ཕྱིར་ཡས་ཐུར་དུ་གུག་ཅིང་འཕྱངས་ཏེ། ལྷག་པའི་རུས་པའི་གནས་ཀུན་ཏུ་ཞུགས་སོ།། དེ་ནས་ཕྱིར་བྱུང་ཞིང་འཁྱིལ་ནས་འོད་ཀྱིས་དབུལ་ལན་བདུན་དུ་བསྐོར་རོ།། རི་མོ
290b2 དེ་དག་རེ་རེའི་བར་ན་སྤྲུལ་པའི་སངས་རྒྱས་རེ་རེ་བཞུགས་ཏེ། འཁོར་བྱང་ཆུབ་སེམས་དཔའ་གཉིས་གཉིས་དང་། དགེ་སློང་གཉིས་གཉིས་ཀྱི་བསྙེན་བཀུར་བྱེད་དོ།། དེ་དག་ཀྱང་སོ་སོ་ན་པདྨོ།
290b3 གེ་སར་ལ་བཞུགས་ཤིང་། སྔ་མ་བས་ལྷག་པར་ཡིད་དུ་འོང་ལ་མངོན་པར་གསལ་ལོ།། སྤྱན་གྱི་སྨིན་མའི་འོག་གི་རི་མོ་གསུམ་དང་། སྤུན་གྱི་གྲ་ནས་ཀྱང་འོད་སྔོན་པོ་དང་། སེར་པོ་དང་། དམར་པོ་དང་།
290b4 དཀར་པོ་དང་བཞི་འཁྱིལ་ཅིང་འབྱུང་སྟེ། སྤྱན་གྱི་རུས་པར་ཞུགས་ནས། སྤྱན་གྱི་སྨིན་མའི་ཐོག་མ་ནས་བྱུང་སྟེ། སྔ་མ་བཞིན་ལྷག་ཁུང་ནས་བྱུང་ནས་འོད་ལ་ལན་བཞི་བསྐོར་ཏེ། འོད་ཟེར་དེ་ཡང
290b5 ཤིན་ཏུ་མངོན་ཞིང་གསལ་ལོ། ། འོད་ཁ་དོག་སེར་པོ་ལ་ནི། སྤྲུལ་པའི་སངས་རྒྱས་ཀྱི་སྐུ་ཡང་གསེར་བཙོ་མའི་ཁ་དོག་ལྟ་བུར་སེར་རོ།། འོད་ཁ་དོག་དཀར་པོ་ལ་ནི་སྤྲུལ་པའི་སངས་རྒྱས་ཀྱི་སྐུ་ཡང
290b6 དངུལ་གྱི་མདོག་ལྷར་དཀར་རོ། ། འོད་ཁ་དོག་སྔོ་པོ་ལ་ནི་སྤྲུལ་པའི་སངས་རྒྱས་ཀྱི་སྐུ་ཡང་རྡོ་རྗེའི་མདོག་ལྟར་སྔོའོ།། འོད་ཁ་དོག་དམར་པོ་ལ་ནི་སྤྲུལ་པའི་སངས་རྒྱས་ཀྱི་སྐུ་ཡང་བྱི་རུ་འམ། པདྨ
290b7 རཱ་གའི་མདོག་ལྷར་དམར་པོ། ། དེ་དག་ཀྱང་འོད་ཟེར་འཁྱིལ་ལ་སྔ་མ་བས་ལྷག་པར་ཤིན་ཏུ་གསལ་ལོ།། དེ་ལ་ཇི་ལྟར་ན་དེ་བཞིན་གཤེགས་པའི་སྤྱན་གྱི་རྫི་མའི་མཚན་ཞེན། དེ་བཞིན་གཤེགས
iiif viewer powered by OpenSeadragon
