| e-texts navigator |
| Wylie |
272a1 ལྗགས་སོ། ། བདུད་ཀྱིས་ཡང་འདི་སྙམ་དུ་བསམས་ཏེ། གལ་ཏེ་དམག་འདི་རྣམས་ཀྱིས་ཀྱང་དགེ་སྦྱོང་གོའུ་ཏ་མ་འདི་མི་ཐུབ་ཀྱང་སྲིད་ཀྱིས་སྙམ་བསམ་ནས་རིན་པོ་ཆེའི་ཅོད་པན
272a2 ཕུད་དེ་སའི་འོག་ལོགས་སུ་གཟས་པ་དང་། ཅོད་པན་གྱི་འོད་ཟེར་གྱིས་ཐལ་བྱུང་དུ་གཤིན་རྗེའི་འཇིག་རྟེན་གྱི་སྤྲུལ་པ་སྲུང་མའི་སྟེང་དུ། སྐད་ཆེན་པོས་འབོད་ཅིང་ཡི་དགས་ཀྱི་རྣམས་ལ་སྨྲས་པ།
272a3 ཁྱེད་དམྱལ་བའི་སྲུངས་མ་དང་། གཤིན་རྗེའི་རྒྱལ་པོ་དང་། མཚམས་མེད་པའི་དམྱལ་བའི་མཚོན་གྱི་འཁོར་ལོ་དང་། མེའི་ཤིང་རྟ་དང་། མེ་མུར་ལ་སོགས་པ་ཐམས་ཅད་ཀྱང་འཛམ་བུ་གླིང་དུ་དགེ
272a4 སྦྱོང་གོའུ་ཏ་མ་དེ་མ་རུང་བར་བྱ་བའི་ཕྱིར། ཀུན་སྟེང་དུ་ཐོན་ཅིག་ཅེས་སྒྲོགས་སོ།། མཚམས་མེད་པའི་སེམས་ཅན་དམྱལ་བ་ནི་ཆུ་ཞེང་གབ་པར་དཔག་ཚད་བརྒྱ་སྟོང་སྙེད་དེ། མཐའ་མ་ལྕགས
272a5 ཀྱི་མཁར་རིམ་པ་བདུན་གྱིས་བསྐོར་ཏོ། ། དེ་ལ་བར་ཆད་བཅོ་བརྒྱད་ཡོད་དོ།། མཐའ་མ་རལ་གྲིའི་ཚལ་རིམ་པ་བཅོ་བརྒྱད་ཀྱིས་བསྐོར་ཏོ།། དེའི་འཁོར་དུ་གཏོགས་པ་ཤར་ཕྱོགས་ཀྱི་ངོས་ན་ཡང
272a6 དམྱལ་བ་ཆེན་པོ་བཅོ་བརྒྱད་ཡོད་དོ། ། དེ་བཞིན་དུ་ལྷོ་ཕྱོགས་ཀྱི་ངོས་ན་ཡང་འཁོར་དུ་གཏོགས་པ་བཅོ་བརྒྱད་ཡོད་དོ།། ནུབ་ཕྱོགས་ཀྱི་ངོས་ན་ཡང་འཁོར་དུ་གཏོགས་པ་བཅོ་བརྒྱད་ཡོད་དོ།།
272a7 བྱང་ཕྱོགས་ཀྱི་ངོས་ན་ཡང་འཁོར་ཏུ་གཏོགས་པ་བཅོ་བརྒྱད་ཡོད་དེ།། དེའི་འོག་ནས་མེ་ཚ་བ་རང་འབར་བས། ལྕགས་ཀྱི་མཁར་དང་ལྕགས་ཀྱི་དྲ་བ་ཀུན་བསྲེགས་ཏེ། འབར་བར་བྱས་ནས།།
iiif viewer powered by OpenSeadragon
