| e-texts navigator |
| Wylie |
271b1 འབྱིན་པ་དག་བརྒྱུགས་ཏེ་འོང་བ་ཡང་ཡོད་དོ། ། ཡི་དགས་ལ་ལ་ནི་གཟུགས་སྤྲིན་ལྟར་འདུག་ལ་གནམ་ལྕགས་ལྟར་འབར་ཞིང་སྤྲིན་འཕུངས་པ་ལྟ་བུའི་མགོ་ཅན་ལ། སྤྲིན་འཕུངས་པའི་ཁ་ན་ཀླུ་བརྒྱ
271b2 སྟོང་སྙེད་ཡོད་དེ། ལུས་མི་སྡང་བར་འདུག་པ་འབའ་ཤིག་བྱིན་པར་སྣང་ཞིང་། ཕྱོགས་བཅུ་ནས་གདོན་ཐམས་ཅད་སྤྲིན་ལྟ་འདུག་པ་ཡང་ཡོད་དོ།། བུ་མངས་ཀྱི་བདག་མོ་ཡང་བུ་རྣམས་དང་ཆས་ནས
271b3 སོ་སོ་ནས་ཕ་བོང་དཔག་ཚད་བཅུ་པ་ཟུར་མངས་ཅན། འཇིགས་སུ་རུང་བ་རེ་རེ་ཐོགས་ཏེ་འོང་བ་ཡང་ཡོད་དོ།། ཡི་དགས་ལ་ལ་ནི་དགུས་ཏེ་འཇུག་མ་འགྲེང་དུ་བཅུག་ནས། སྣ་ས་ལ་སྣོམ་ཞིང་སྣའི་ནང
271b4 ནས་མེ་རབ་ཏུ་འབར་ལ། མེའི་ནང་ནས་ཀྱང་གདོན་མང་པོ་རྫུས་ཏེ་འབྱུང་ཞིང་ངོ་བཀབ་ནས་བརྒྱུགས་ཏེ་འོང་བ་ཡང་ཡོད་དོ།། དེའི་ཚེ་བདུད་ཀྱི་རྒྱལ་པོས་གནོད་སྦྱིན་དང་། ཡི་དགས་ཀྱི་ཚོགས་ཐམས
271b5 ཅད་ལ་ལྟས་ནས་སྨྲས་པ། གནོད་སྦྱིན་དང་། ཡི་དགས་ཀྱི་དཔུང་ཐམས་ཅད་ཀྱང་སྤྲིན་ལྟར་འདུས་ཤིང་ཚོགས་ན། དགེ་སྦྱོང་གོའུ་ཏ་མ་དགེ་བ་དེས། གལ་ཏེ་ན་སྔགས་ཤེས་ཀྱང་སྲིད་ཀྱིས
271b6 དམག་རྣམ་བཞི་ཡང་མྱུར་དུ་བཤམ་མོ་ཞེས་སྨྲས་ནས། བདུད་ཀྱི་རྒྱལ་པོའི་ནོར་བུ་ལས་དམག་རྣམ་བཞིར་སྤྲུལ་ཏོ།། འདི་ལྟ་སྟེ། བ་གླང་གི་ཚོགས་དང་རྟའི་ཚོགས་དང་། ཤིང
271b7 རྟའི་ཚོགས་དང་། རྐང་ཏང་གི་ཚོགས་རྣམས་ཏེ་དགྲ་ཆ་རྣམས་ནགས་ཚལ་ལྟར་བཤམས་ནས། རབ་ཏུ་འཇིགས་སུ་རུང་བ་སྟེང་གི་ནམ་མཁའ་ལས་བབས་ཏེ། བྱང་ཆུབ་ཀྱི་ཤིང་གི་མཐའ་དང་ཉེ་བར
iiif viewer powered by OpenSeadragon
