| e-texts navigator |
| Wylie |
270a1 དང་འོད་ཟེར་ལ་བརྟགས་ན་རྡོ་རྗེའི་རི་བོ་ལྟར་འོད་རབ་ཏུ་འབར་ཏེ། ལོ་དྲུག་གི་བར་དུ་དཀའ་བ་སྤྱོད་ཀྱང་ཐུགས་མ་གསོས་སོ།། ཞལ་མདངས་ལ་བལྟས་ན་འཇིགས་ཤིང་སྔ
270a2 གོང་བའི་མདངས་སུ་གྱུར་པ་མེད་ཀྱིས། རྒྱལ་པོ་ཆེན་པོ་ལྷའི་ཕོ་བྲང་ན་བཞུགས་པའི་རིགས་ཀྱི། རྒོལ་ཞིང་གཤེགས་པའི་མི་རིགས་སོ།། དེ་ནས་བདུད་སྡིག་པ་ཅན་གྱིས་སྨྲས
270a3 པ། ཁྱོད་ཁ་རོག་ཤིག་མང་དུ་སྨྲ་མི་དགོས་སོ་ཞེས་བསྒོའོ།། དེའི་ཚེ་གནོན་སྦྱིན་གྱི་བདག་པོ་ཤི་ད་ཞེས་བྱ་བ་བདུད་ཀྱི་རྒྱལ་པོ་གང་ན་བར་འོངས་ནས། བདུད་ལ་སྤྱི་བོས་གཏུགས་ཏེ་ཕྱག་འཚལ་ནས།
270a4 འདི་སྐད་ཅེས་སྨྲས་སོ།། ལྷའི་རྒྱལ་པོ་དམག་གི་དཔུང་རྣམས་ཇི་སྐད་དུ་བསྒོ་ཞིང་བསྡུ་བར་བགྱི། བདུད་སྡིག་པ་ཅན་གྱིས་སྨྲས་པ། ཁྱོད་ཀྱིས་ངའི་ཚིག་འདིས་གནམ་རིམ་པ་དྲུག་དང་། ཡི་དགྲ
270a5 ཀྱི་རྒྱལ་པོ་དང་། གཞན་ཡང་སྡེ་བརྒྱད་དང་། འབྲོག་དགོན་པའི་ཡི་དགས་དང་། དམྱལ་བ་བཅཝ་བརྒྱད་དང་། གཤིན་རྗེའི་འཇིག་རྟེན་ལ་སོགས་པའི་འཁོར་ཀུན་ཏུ་སྐད་ཀྱིས་སྒྲོགས་ཏེ།
270a6 ཐམས་ཅད་ཀུན་ནས་དགེ་སྦྱོང་གོའུ་ཏ་མ་ག་ན་བསྡུས་ཤིག་ཅེས་བསྒོའོ།། དེའི་ཚེ་དེ་བཞིན་དུ་བསྒོ་བ་དང་། ཡི་དགས་ཀུན་ཕྱོགས་བཞི་ནས་སྤྲིན་ལྟར་ལངས་ཏེ་འདུས་སོ།། ཡི་དགས་ལ་ལ
270a7 ནི་བ་གླང་གི་མགོ་ཅན་ལ། རྣ་བ་བཞི་བཅུ་ཡོད་པ། རྣ་བ་དེ་དག་གི་ནང་ན་ལྕགས་ཀྱི་མདའ་སྐྱེས་ལ། མེ་རབ་ཏུ་འབར་ཏེ་མཐོ་ཁྱད་དཔག་ཚད་གཅིག་ཏུ་ཕྱིན་པ། རཱ་བཅོ་བརྒྱད་ཡོད་པ་ལ
iiif viewer powered by OpenSeadragon
