| e-texts navigator |
| Wylie |
269b1 སྐྱོང་གོའུ་ཏ་མཉམ་ཆུང་ལ་རིད་དེ། རུས་པ་ཡང་རྩཝ་རུལ་པ་དང་དྲ་སྟེ། བོད་གསལ་བ་ལྟར་བྱེད་ཀྱང་འཚོ་བའི་དབང་པོས་རིང་པོ་མི་ཐུབ་ལ། བྱང་ཆུབ་ཆེན་པོ་ཡང་མི་འགྲུབ་པས། དེ་མ་རུང་བར
269b2 བྱ་བའི་ཕྱིར་གང་ན་བར་འགྲོའོ་ཞེས་སྨྲས་ནས། མིག་བསྐྲད་དེ་རབ་ཏུ་ཁྲོས་ནས་གནོད་སྦྱིན་གྱི་རྣམས་ལ་དམག་དཔུང་རྣམས་རིངས་པར་སྡུས་ཤིག། བདག་ཅག་འཛམ་བུ་གླིང་དུ་གོའུ་ཏ་མ་ལ
269b3 རྒོལ་དུ་འདོང་ངོ་ཞེས་བསྒོའོ། ། དེའི་ཚེ་བདུད་ཀྱི་རྒྱལ་པོའི་བུ་པ་ཏ་ལ་ཞེས་བྱ་བས་པུས་མོའི་ལྷ་ང་ས་ལ་བཙུགས་ནས། ཕ་ལ་འདི་སྐད་སྨྲས་སོ།། རྒྱལ་པོ་ཟས་གཙང་མའི་སྲས་དེ་ཐོག་མ
269b4 བཙས་པའི་ཚེ་ནས། ལྷ་ཐམས་ཅད་ཀྱིས་ཡོངས་སུ་བསྲུངས་ཏེ། འོད་ཟེར་ཡང་ལྷའི་གནས་ཀུན་ཏུ་ཁྱབ་བོ།། སྐྱེས་བུ་དེ་ནི་བྱམས་པ་དང་། སྙིང་རྗེར་ལྡན་པ་ལགས་པས། ཐམས་ཅད་ཀྱི།
269b5 སྐྱབས་སུ་གྱུར་ཏེ། ད་ལྟར་སྐྱེ་བོ་མང་པོའི་ཕྱིར་བྱང་ཆུབ་ཀྱི་ཤིང་དྲུང་ན་བཞུགས་ན། ཡབ་རྒྱལ་པོ་ཅི་སླད་དུ་དེ་ལ་ངན་སེམས་དང་འཁུ་བའི་སེམས་བསྐྱེད་ཅེས་སྨྲས་པ་དང་། བདུད་ཀྱི་རྒྱལ་པོ
269b6 ཁྲོས་ནས་བུ་ལ་འདི་སྐད་དུ། བུ་གླེན་པ་ཤེས་པ་མེད་པ་ཁྱོད། དགེ་སྦྱོང་གོའུ་ཏ་མ་བྱང་ཆུབ་ཀྱི་ཡོན་ཏན་ཁྱད་པར་ཅན་དང་ལྡན་ཞེས་མ་ཟེར་ཅིག། དགེ་སྦྱོང་གོའུ་ཏ་མཉམ་ཆུང་ལ་རབ་ཏུ་རིད་ཏེ།
269b7 རུས་པ་ཡང་སྐམས་ནས་ད་ཅི་ཡང་མི་ནུས་པ་ལ། བྱམས་པ་དང་སྙིང་རྗེར་ལྡན་ནོ་ཞེས་ཅིའི་ཕྱིར་སྨྲ། པ་ཏ་ལས་ཡང་སྨྲས་པ། དགེ་སྦྱོང་གོའུ་ཏ་མ་རིད་པ་ནི་ཁ་ཟས་མ་ཟོས་པའི་ཕྱིར་ཏེ། ཁ་དོག
iiif viewer powered by OpenSeadragon
