| e-texts navigator |
| Wylie |
268b1 སྤྲུལ་པའི་བྱང་ཆུབ་སེམས་དཔའ་དཀའ་བ་སྤྱོད་པ་གྲངས་མེད་པ་བཞུགས་པ་འདི་དང་ཐ་མི་དད་པ་མཐོང་ཡང་། བྱང་ཆུབ་སེམས་དཔའ་ཆུང་ངུར་མ་གྱུར་ལ། མཛོད་སྤུ་དཀར་པོ་ཡང་ཆེན་པོར་མ་གྱུར་པར
268b2 མཐོང་སྟེ། ལྷའི་བུ་དེ་དག་གིས་དེ་ལྟ་བུ་དག་མཐོང་ནས། ངོ་མཚར་རྨད་དོ་ཞེས་བསྟོད་དོ།། མཛོད་སྤུ་དཀར་པོ་ཡང་བཏང་མ་ཐག་ཏུ་ཕྱིར་ཡང་གཡས་སུ་འཁྱིལ་ནས་འོད་ཟེར་དང་བཅས་ཏེ་མི་སྣང
268b3 བར་གྱུར་ཏེ། དེའི་ཚེ་ལྷ་རྣམས་ཀྱིས་མཛོད་སྤུ་དཀར་པོ་ལ་མིག་མི་འཛུམ་པ་བརྟགས་ན། མཛོད་སྤུ་དཀར་པོ་ལས་སྦུབས་ལྔ་ཞལ་གྱི་སྒོར་ཞུགས་ཏེ། དེའི་ནང་ནས་ཟིལ་དངར་རྒྱུན་མི་འཆད་པར
268b4 ཞལ་གྱི་ནང་དུ་འབབ་ཅིང་འབོ་སྟེ། སྐུ་ཀུན་ཏུ་རྒྱུ་བ་ནི། བཻ་ཌཱུཪྻའི་རི་བོ་ལྟར་ཕྱི་ནང་གསལ་བར་མཐོང་ངོ་།། བྱང་ཆུབ་སེམས་དཔའ་ཁྲི་ཕྲག་བརྒྱ་སྟོང་སྐད་ཀྱང་། སྐུའི་ནང་ནས་མངོན་པར་སྣང་ངོ་།།
268b5 ལྷ་རྣམས་ཀྱིས་དེ་ལྟ་བུ་དག་མཐོང་ནས། རབ་ཏུ་དགའ་བ་སྐྱེས་ཏེ་ཐལ་མོ་སྦྱར་ནས་བདག་ཅག་སྔར་ནི་གཏི་མུག་གིས་མདོངས་པས། སྐྱེས་བུ་འདིའི་ཚེ་རིང་པོ་མི་ཐོགས་སོ་ཞེས་སྨྲས་པ་ལས
268b6 མཚན་བཟང་པོ་འདི་ལས་བལྟས་ན་གདོན་མི་ཟ་བར་མངོན་པར་རྫོགས་པར་འཚང་རྒྱ་སྟེ། ཐེ་ཙོམ་མ་མཆིས་སོ།། བླ་ན་མེད་པའི་ཤེས་རབ་ཀྱི་ཉི་མ་རིང་པོ་མི་ཐོགས་པར་འཇིག་རྟེན་དུ་ཤར་བར
268b7 འགྱུར་རོ་ཞེས་སྨྲས་ནས། ལན་བརྒྱ་སྟོང་དུ་བསྐོར་བ་བྱས་ཏེ། སོ་སོའི་གནས་གནས་སུ་ཕྱིར་སོང་ངོ་།། དེ་སྐད་ཅེས་སྨྲས་པའི་སྒྲ་དབྱངས་ཀྱིས་འདོད་པའི་ཁམས་སུ་གྲགས་པར་གྱུར་ཏོ།། རྒྱལ
iiif viewer powered by OpenSeadragon
