| e-texts navigator |
| Wylie |
265a1 སོང་ནས། བདག་གི་རྒྱལ་པོ་ལ་དེ་བཞིན་དུ་གསོལ་ཏོ།། དེ་ནས་རྒྱལ་པོ་དེས་དེ་སྐད་ཀྱི་ཚིག་ཐོས་ནས། བ་གླང་ཞོན་ཏེ་འཁོར་བརྒྱ་སྟོང་མང་པོ་དང་ཆས་ཏེ། གྲོང་ཁྱེར
265a2 སེར་སྐྱའི་གནས་རྒྱལ་པོ་ཟས་གཙང་མའི་ཕོ་བྲང་གང་ན་བར་འོངས་ནས། རྒྱལ་བུའི་ལག་པ་ཆུས་བཀྲུས་ཏེ། བདག་གི་བུ་མོ་བཞེས་སུ་གསོལ་ཞེས་སྨྲས་ནས་ཕྱག་འཚལ་ཏེ། སའི
265a3 ལྷ་རྒྱལ་བུ་བདག་གི་བུ་མོ་འདི་བཞེས་ཏེ། ཕྱག་དར་དང་ཆག་ཆག་བགྱིད་དུ་སྩལ་བར་གསོལ་ལོ།། མཚན་མཁན་གྱིས་མཐོང་བའི་མཛོད་སྤུའི་མཚན་བཟང་པོ་ཡང་བདག་ལྟ་འཚལ
265a4 ན་རུང་ངམ་ཞེས་གསོལ་བ་དང་། རྒྱལ་བུས་དེ་ལ་ཇི་ལྟར་བདེ་བར་ལྟོས་ཤིག་ཅེས་གསུངས་སོ།། དེ་ནས་གྲགས་འཛིན་གྱི་ཕས་རྒྱལ་བུའི་མཛོད་སྤུ་དཀར་པོ་ལག་པས་བཟུང
265a5 སྟེ་དྲངས་པ་དང་། མཛོད་སྤུ་དཀར་པོ་དེ་ཤེལ་གྱི་རྒྱལ་མཚན་ལྟར་ཁྲེམ་གཉེར་གྱི་ཚིགས་ཐད་ཀར་འབབ་པར་མཐོང་ཞིང་། དེའི་བར་རིམ་དག་ན་ཚངས་པ་ཆེན་པོའི་རྒྱལ་པོ་དང་། བརྒྱ་བྱིན་ལྷའི
265a6 དབང་པོ་དང་། རྒྱལ་བའི་ལྷའི་སྲས་པོ་ཚད་མེད་པ་བརྒྱ་སྟོང་གི་རྣམས་ལྡིང་བའི་ཁང་བུ་དང་བཅས་ཏེ། འདུག་པར་མངོན་སུམ་དུ་མཐོང་བ་ནི། ཇི་ལྟར་མེ་ལོང་ཡོངས་སུ་དག་པ་ལ་བདག་གི་བཞིན
265a7 མཐོང་བ་བཞིན་ནོ། ། དེ་ལྟར་མཐོང་ནས་རབ་ཏུ་དགའ་མགུ་རངས་ཏེ། ཕྱིར་བཏང་མ་ཐག་ཏུ་སྔོན་བཞིན་དུ་གཡས་སུ་འཁྱིལ་ནས། སྨིན་མཚམས་ན་བོད་གཟེར་འཚེར་ཞིང་ཕྱོགས་བཞིར་བང་རིམ་དུ
iiif viewer powered by OpenSeadragon
