| e-texts navigator |
| Wylie |
264b1 ངམ་ཐུང་ཇི་ཙམ་པ་བལྟ་སྙམ་ན། ཅིའི་སླད་དུ་བ་གླང་གི་རྒྱལ་པོའི་ནུ་མ་ལས་འོ་མ་བྱུང་བ་ལྟར་བདག་གི་མིག་ཏུ་ཕོག་པ་སྙམ་ན། ཡང་དག་པར་མཐོང་ངམ། འོན་ཏེ་རྨི་ལམ་མམ། འོན་ཏེ་སྤྱོས
264b2 སམ། ཅི་ལགས་རྒྱལ་བུའི་མཚན་བཟང་པོ་ཐམས་ཅད་ཀྱང་བརྗོད་དེ། འཁོར་ལོས་སྒྱུར་བའི་རྒྱལ་པོ་བརྒྱ་སྟོང་སྙེང་ལ། རིན་པོ་ཆེ་སྣ་བདུན་དང་། བུ་སྟོང་དང་། དམག་རྣམ་བཞིར་ལྡན་པ
264b3 དག་ཕྱོགས་བཞི་ནས་བྱུང་བ་མཐོང་སྟེ། བདག་གི་སེམས་ཀྱང་རབ་ཏུ་དགའ་བར་གྱུར་པ་ནི། ཇི་ལྟར་བྲམ་ཟེ་དག་ཚངས་པའི་འཇིག་རྟེན་གྱི་བདེ་བ་ཐོབ་པ་བཞིན་ནོ།། དེ་སྐད་གསོལ་ནས་མཛོད
264b4 སྤུ་དེ་དག་བཏང་མ་ཐག་ཏུ་ཕྱིར་ཡང་གཡས་སུ་འཁྱིལ་ཏོ། ། དེའི་ཚེ་ན་ལྟས་མཁན་ལོ་ཏོག་པར་ཏ་དེས་དེ་ལྟ་བུའི་དངོས་པོ་མཐོང་ནས། ཡན་ལག་ལྔ་ས་ལ་གཏུགས་ཏེ་རྒྱལ་བུ་ལ་ཕྱག་འཚལ
264b5 ནས། རྒྱལ་བུའི་མཚན་བཟང་པོ་བདག་གིས་མི་རིག་གོ།། བདག་གིས་མཚན་མཐོང་བ་ལྟར་ན་མཚན་གཅིག་གིས་ཀྱང་གླིང་བཞི་ལ་དབང་མཛད་ཅིང་དེའི་དབང་པོར་འགྱུར་ཏེ། རྒྱལ་བུའི་མཚན་ནི
264b6 དབང་པོ་ཆེན་པོ་ལྟར་དབང་དང་རྫུ་འཕྲུལ་དང་མཐུ་སྟོབས་ནི་བསྙད་དུ་མ་མཆིས་ཤིང་དཔག་ཏུ་མ་མཆིས་པས། བདག་གིས་འཚལ་བའི་ཡུལ་མ་ལགས་སོ།། རྒྱལ་བུས་གསུངས་པ། འོ
264b7 བོའི་མཚན་ཁྱོད་ཀྱིས་མི་རིག་ན། ཕྱིར་ཡུལ་དུ་སོང་ལ་རང་གི་རྒྱལ་པོ་ལ་དེ་བཞིན་དུ་སྨྲོས་ཤིག་ཅེས་གསུངས་པ་དང་། དེ་ནས་མཚན་ལྟ་བའི་མཚན་མཁན་དེའི་ཕྱིར་ཡུལ་དུ
iiif viewer powered by OpenSeadragon
