| e-texts navigator |
| Wylie |
264a1 ཞིག་མངའོ་ཞེས་བརྗོད་དོ། ། ཀུན་གྱིས་མཐོང་ནས་བཏང་མ་ཐག་ཏུ་ཕྱིར་ཡང་གཡས་སུ་འཁྱིལ་ཏོ།། དེ་ནི་བྱང་ཆུབ་སེམས་དཔའི་གཞོན་ནུའི་ཚེའི་མཛོད་སྤུ་དཀར་པོའི་མཚན
264a2 ཞེས་བྱའོ། ། དེ་ལ་ཇི་ལྟར་ན་བྱང་ཆུབ་སེམས་དཔའ་བཙུན་མོ་བླངས་པའི་ཚེའི་མཛོད་སྤུ་དཀར་པོའི་མཚན་ཞེ་ན། གྲགས་འཛིན་གྱི་ཕས་མཚན་བལྟ་བའི་ལྟས་མཁན་བཏང་ནས། རྒྱལ་བུའི་མཚན
264a3 བལྟས་པ་ན། མཚན་སུམ་ཅུ་རྩ་གཉིས་རི་མོ་བྲིས་པ་དང་འདྲ་བའི་ནི་བདག་གིས་མཐོང་གི། མཛོད་སྤུ་དཀར་པོའི་མཚན་འབའ་ཤིག་ནི་མ་རྟོགས་ན། མཚན་མཁན་དེས་འདི་ཞེས་སྨྲས་སོ།། སའི
264a4 ལྷ་རྒྱལ་བུ་མཚན་ཀུན་ཀྱང་གསེར་གྱི་འཁོར་ལོ་སྒྱུར་བའི་རྒྱལ་པོའི་མཚན་དང་འཐུན་ན། མཛོད་སྤུ་དཀར་པོ་ལས་བོང་རྣམ་པ་མང་པོ་བྱུང་བ་ནི་བདག་གིས་མི་རིག་ན། བརྐྱང་སྟེ་བལྟ་ན་རུང་ངམ་ཞེས
264a5 གསོལ་པ་དང་། རྒྱལ་པོས་དེ་ལ་འདི་སྐད་དུ་ཇི་ལྟར་བདེ་བར་ལྟོས་ཤིག་ཅེས་གསུངས་པ་དང་། དེའི་ཚེ་ལྟས་མཁན་གྱིས་ལག་པས་མཛོད་སྤུ་ནས་དྲངས་པ་ལས་མཛོད་སྤུ་དེ་ལས་བལ་གླང་གི
264a6 རྒྱལ་པོའི་ནུ་མ་ལས་འོ་མ་བྱུང་བ་ལྟ་བུ་ཞིག། ལྟས་མཁན་གྱི་མིག་དུ་ཕོག་ནས་ལྷས་མཁན་དེའི་མིག་ཡོངས་སུ་དག་པར་གྱུར་ཏེ། མཛོད་སྤུ་དེ་ལས་འཁོར་ལོ་སྒྱུར་བའི་རྒྱལ་པོ་སྟོང་སྙེད། རིན་པོ
264a7 ཆེ་སྣ་བདུན་དང་བུ་སྟོང་དུ་ལྡན་པ་དག་མཐོང་བར་གྱུར་ཏེ། ལྷས་མཁན་དེ་སྔངས་ཤིང་ངོ་མཚར་དུ་གྱུར་ནས། རྒྱལ་བུ་ལ་འདི་ཞེས་གསོལ་ཏོ།། སའི་ལྷ་བདག་གིས་མཛོད་སྤུ་དཀར་པོ་དྲངས་ཏེ་རིང
iiif viewer powered by OpenSeadragon
