| e-texts navigator |
| Wylie |
263a1 མྱོས་ཤིང་འཁྲུལ་པའོ།། སེམས་སྦྱོར་བ་ཞེས་བྱའོ།། ངན་པར་ལྟ་བ་ཞེས་བྱའོ།། ཕྱིན་ཅི་ལོག་གི་སེམས་ཤེས་བྱ་སྟེ། ཏིང་ངེ་འཛིན་ཐོབ་ཅེས་བྱ་བའི་གནས་མེད་དོ།། རྒྱལ་པོ
263a2 ཡབ་སངས་རྒྱས་ཀྱི་དབུའི་མཚན་ཡང་དག་པ་ནི་འདི་དག་ཡིན་ཏེ། དབུའི་མཚན་རྟོགས་ནས་དབུ་འདབ་ཀྱི་མཚན་ལ་བརྟག་པར་བྱའོ།། སངས་རྒྱས་ཀྱི་དབུ་འདབ་ནི་གསེར་བཙོ་མའི་ཁ་དོག་ལྟ་བ་ལས
263a3 མུ་ཏིག་དམར་པོའི་ཁ་དོག་ལྟ་བུའི་འོད་འཁྱིལ་ཅིང་འཕྱང་བ་ལྔ་སྟོང་སྙེད་ཀྱིས་གསལ་ཞིང་མཛེས་པས་རྣམ་པར་སྤྲས་ཤིང་དགོད་པ་དེའང་གྱེན་ཏུ་འཁྱིལ་ཞིང་དབུ་ལ་རྣམ་པར་བསྐོར་བ། སྤྱི་བོའི
263a4 གཙུག་ལའང་ལན་ལྔ་བསྐོར་བ་ནི། ཇི་ལྟར་ལྷའི་རི་མོ་མཁན་གྱིས་རི་མོར་བྲིས་པ་ལྟར་ཟླུམ་ལ་བར་ཐགས་མཉམ་པར་ཕྲ་ཁྱང་ཁ་ཆེ་དར་གྱི་ཉག་མ་ཙམ་ལ། ཁ་ཆེ་དར་གྱི་ཉག་མ་ཙམ་དེ་དག་གི
263a5 བར་བར་ཙམ་ནི་སྤྲུལ་པའི་སངས་རྒྱས་བཞུགས་ལ། སྤྲུལ་པའི་བྱང་ཆུབ་སེམས་དཔའ་འཁོར་དང་། ལྷ་དང་། ཀླུ་ལ་སོགས་པའི་གཟུགས་བརྙན་ཐམས་ཅད་སྣང་ངོ་།། དེ་དག་ཀུན་གྱི་ཁ་དོག
263a6 དང་དབྱིབས་ཀྱང་ཉི་མའི་དཀྱིལ་འཁོར་ལྟ་བུ་སྟེ། སངས་རྒྱས་ཀྱི་དབུ་འདབ་ཀྱི་མཚན་ལ་དེ་ལྟར་བལྟ་བར་བྱའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྟ་མ་ཡིན
263a7 པར་མཐོང་བ་དེ་ནི་ལོག་པར་མཐོང་བའོ། ། རྒྱལ་པོ་ཡབ་འདི་དག་ནི་དེ་བཞིན་གཤེགས་པའི་དབུའདབ་ཀྱི་མཚན་ཡང་དག་པ་རྗེས་སུ་དྲན་པ་ཞེས་བྱའོ།། དེ་ལ་ཇི་ལྟར་ན་དེ་བཞིན་གཤེགས་པའི་ཞལ
iiif viewer powered by OpenSeadragon
