| e-texts navigator |
| Wylie |
262b1 ལས་མེད་ན། ད་ཅི་ཙམ་སྐྱེས་སྙམ་ནས་དྲངས་ཏེ་གཅལ་ན། མཐོ་ཕྱེད་དང་བཅུ་བཞི་བྱུང་ངོ་།། ང་རབ་ཏུ་བྱུང་ནས་ལྷ་རྣམས་ཀྱིས་དབུ་སྐྲ་ཁྱེར་བ་ན་ཡང་མཐོ་ཕྱེད་དང་བཅུ་བཞི་ལས་མེད་དོ།། རྒྱལ་པོ
262b2 ཡབ་སངས་རྒྱས་ཀྱི་དབུའི་མཚན་ལྟ་བར་འདོད་དམ། རྒྱལ་པོ་ཡབ་ཀྱིས་གསོལ་པ་དེ་བཞིན་ནོ།། བཅོམ་ལྡན་འདས་བདག་མཐོང་བར་འཚལ་ལོ།། དེ་ནས་བཅོམ་ལྡན་འདས་ཀྱིས
262b3 ཕྱག་གིས་དབུ་ནས་དྲངས་པ་ལས། ཤིང་ནྱ་གྲོ་ཏའི་གཞལ་མེད་ཁང་ནས་རྒྱལ་པོའི་ཕོ་བྲང་ལ་ཐུག། དེ་ནས་གྲོང་ཁྱེར་ལན་བདུན་འཁོར་བར་གྱུར་ཏེ། ཁ་དོག་ནི་མཐིང་ཀ་བཻ་ཌཱུཪྻ་ལྟ་བུའོ།། སངས་རྒྱས
262b4 དབུལ་འཁོར་མང་པོ་ཀུན་གྱིས་ཁ་དོག་རྣམ་པ་དུ་མ་དང་ལྡན་པའི་འོད་བྱུང་བར་མཐོང་སྟེ། རྫོགས་པར་ནི་བདེ་བར་བཤད་མི་ནུས་སོ།། འོད་དེ་དག་རེ་རེ་ཀྱང་ཐམས་ཅད་དུ་སྤོང་བར་གྱུར་པ་ནི། བཻ་ཌཱུརྨ
262b5 མཐོན་མཐིང་གི་ཁ་དོག་ལྟ་བུའོ། ། བཻ་ཌཱུཪྻའི་ཁ་དོག་ལྟ་བུའི་འོད་ལ་སྤྲུལ་པའི་སངས་རྒྱས་གྲངས་མེད་པ་ཞུགས་སོ།། དེ་ལྟ་བུའི་མཚན་བསྟན་ནས་དབུ་དང་འོང་ཕྱིར་ཡང་གཡས་སུ་འཁྱིལ་ཞིང་། སངས
262b6 རྒྱས་ཀྱི་དབུ་ལ་དུང་གི་རི་མོ་ལྟ་བུར་གྱུར་ཏོ། ། དེ་ནི་དེ་བཞིན་གཤེགས་པའི་དབུའི་མཚན་ཡང་དག་པ་ཞེས་བྱ་སྟེ། གང་དགེ་སློང་ངམ། དགེ་སློང་མ་འམ། དགེ་བསྙེན་ནམ། དགེ་བསྙེན་མ་སོགས་པ
262b7 སངས་རྒྱས་ཀྱི་དབུའི་མཚན་རྟོག་པར་འདོད་ན། དེ་ལྟ་བལྟ་བར་བྱའོ།། གང་གིས་དེ་ལྟ་བུར་མཐོང་བ་དེ་ནི་ཡང་དག་པར་མཐོང་བའོ།། གང་གིས་དེ་ལྟ་མ་ཡིན་པར་མཐོང་བ་དེ་ནི། ལོག་པར་མཐོང་བ།
iiif viewer powered by OpenSeadragon
