| e-texts navigator |
| Wylie |
261b1 འཇིག་རྟེན་གྱི་ཁམས་ཚད་མེད་པ་ལས་འདས་ནས། སྤྲིན་གྱི་ཁང་པ་རྩེགས་པར་སྣང་བར་གྱུར་ཏོ།། དེ་ནི་སངས་རྒྱས་ཀྱི་སྤྱོད་ཡུལ་ཡིན་གྱི། ས་བཅུ་པའི་བྱང་ཆུབ་སེམས་དཔས་ཀྱང་མཐོང
261b2 བའི་ཡུལ་མ་ཡིན་ནོ། ། དིང་འདིར་ཡབ་ལ་གཙུག་ཏོར་གྱི་མཚན་བཤད་པ་འདི་གང་གིས་ཐོས་པར་གྱུར་པ་དེ་དག་སངས་རྒྱས་ཀྱི་འཕགས་པའི་གཙུག་གི་མཚན་ལ་ཤིན་ཏུ་བརྟག་ཅིང་ཡིད་ལ་བྱའོ།།
261b3 མཚན་དེའི་འོད་ཟེར་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ས་ཆེན་པོའི་རྡུལ་ཤིན་ཏུ་ཕྲ་བ་སྙེད་དེ་རྫོགས་པར་ནི་བཤད་པར་མི་ནུས་སོ།། མ་འོངས་པའི་དུས་ཀྱི་སྐྱེ་བོ་དག་གིས་འདི
261b4 དག་ཐོས་ནས་ཐེ་ཙོམ་མེད་པའི་སེམས་ཀྱིས་བཅོམ་ལྡན་འདས་མངོན་དུ་བཞུགས་པ་མཐོང་བ་དང་འདྲ་བར། མཚན་འདི་ཡིད་ལ་བྱས་ན། འཕགས་པའི་སྤྱི་གཙུག་གི་འོད་མིག་བཙུམས་ན་ཡང
261b5 མཐོང་བར་འགྱུར་ཏེ། སེམས་ལ་འདྲིས་པའི་མཐུས། སངས་རྒྱས་འཇིག་རྟེན་ན་བཞུགས་པ་བཞིན་དུ་མངོན་སུམ་དུ་གསལ་བར་འགྱུར་རོ།། མཚན་རྗེས་སུ་དྲན་པར་བྱེད་པ་ན་མང་པོར་མི་བརྟག་སྟེ།
261b6 གཅིག་རྟོགས་ནས་ཡང་གཅིག་ལ་བརྟག་གོ།། གཉིས་ལ་འདྲིས་ནས་ཡང་གསུམ་ལ་བརྟག་པར་བྱའོ།། དེ་བཞིན་དུ་ཡན་མན་དུ་ལན་བཅུ་དྲུག་སེམས་ལ་འདུ་ཤེས་འདྲིས་པར་རབ་ཏུ་གསལ
261b7 བར་བྱ་སྟེ། དེ་ནས་གདོད་སེམས་གནས་པར་བྱ་བའི་ཕྱིར་དམིགས་པ་གཅིག་ལ་ཡང་སེམས་ཉེ་བར་གཞག་གོ།། དེ་ནས་ལྕེ་དཀན་ལ་སྦྱར་ཏེ་ལུས་དྲང་པོར་བསྲང་ནས་ཞག
iiif viewer powered by OpenSeadragon
