| e-texts navigator |
| Wylie |
261a1 བཅོམ་ལྡན་འདས་ཀྱིས་རྒྱལ་པོ་ཡབ་ལ་བཀའ་སྩལ་པ་དེ་ལ་ཇི་ལྟར་ན་དེ་བཞིན་གཤེགས་པའི་གཙུག་ཏོར་རྗེས་སུ་དྲན་པ་ཞེ་ན་དེ་བཞིན་གཤེགས་པའི་གཙུག་ཏོར་རུས་པ་ཟླུམ་ཞིང
261a2 གདུགས་ཁ་སྦུབ་པ་ལྟར་འདུག་ལ་ཤིན་ཏུ་དཀར་བའོ། ། དབུའི་པགས་པ་སྲབ་མོ་ནི། ལེ་བརྒན་དུ་སྣང་ལ། དབུའི་པགས་པ་སྟུག་པོ་ནི་ཁ་དོག་རྡོ་རྗེ་ལྟ་བུར་སྣང་ངོ་།། དབུའི་འདབ་ནི་ཁ་དོག་གསེར་བཙ
261a3 མ་ལྟ་བུར་སྣང་། དབུའི་ཀླད་པ་ནི་ཤེལ་གྱི་ཁ་དོག་ཏུ་སྣང་ངོ་།། དེ་ལ་རྩ་བཅུ་བཞི་རི་མོར་བྲིས་པ་བཞིན་དུ་འདུག་ལ་འོད་རྣམ་པ་བཅུ་བཞི་དང་ལྡན་ནོ།། འོད་དེ་ཡང་རྩ་ལྟར་མངོན་པར་སྣང་ཞིང་།
261a4 ཀླད་པ་དང་། རྩ་ཀུན་ནས་འོད་འཁྱིལ་བ་དག་འབྱུང་སྟེ། སྤྱི་གཙུག་གི་རུས་པ་ལ་རེག་གོ། སྤྱི་གཙུག་གི་རུས་པ་ལས་ཀྱང་ཐལ་ནས་དབུའི་རྩེ་མོར་འཁྱིལ་ཅིང་ཐུག་གོ། འོད་ཁ་དོག་རྣམ་པ
261a5 བཅུ་བཞི་དང་ལྡན་པས་དབུ་འཁོར་བར་བསྐོར་ཏོ། ། དབུ་འདབ་ཀྱི་མཚན་གསེར་གྱི་མདོག་ལྟ་བུ་ལས་ཀྱང་འོད་བྱུང་ནས། འོད་ཀྱི་ཁ་དོག་རྣམ་པ་བཅུ་བཞིའི་ནང་དུ་འཇུག་གོ། འདི་དག་ནི
261a6 དེ་བཞིན་གཤེགས་པའི་རྒྱལ་པོའི་ཕོ་བྲང་དུ་བལྟམས་པའི་གཙུག་ཏོར་དང་། ཤའི་དོ་ཀེར་ཞེས་བྱའོ།། སྤྱི་བོའི་གཙུག་ན་ཚངས་པ་ཆེན་པོའི་མཚན་ལྔ་པོ་དག་ནི། བལྟམ་པའི་ཚེ་ན་ཡང
261a7 ཡུམ་སྒྱུ་མ་དང་། གོའུ་ཏ་མི་དག་གིས་ཀྱང་བལྟར་མི་མཐོང་ངོ་།། ཚངས་པའི་མཚན་ལྔ་པོ་ལས་འོད་བྱུང་པོས་ཚངས་པའི་འཇིག་རྟེན་ལ་ཐུག་ནས། དེ་ལས་ཀྱང་འདས་ཏེ། བླ་མའི་ཕྱོགས་ཀྱི
iiif viewer powered by OpenSeadragon
