| e-texts navigator |
| Wylie |
260b1 བཟློག་སྟེ་མས་མཐར་གྱིས་རྗེས་སུ་དྲན་པ་ལ་མོས་པ་ཡང་ཡོད་དེ། དེ་ནི་ཞབས་མཐིལ་གྱི་འཁོར་ལོ་རྩིབས་སྟོང་དང་ལྡན་པའི་མཚན་ནས་མཐར་གྱིས་ཞབས་ཀྱི་སོར་མོ་ལ་རྗེས་སུ་དྲན་པ་དང་།
260b2 དེ་བཞིན་དུ་མཐར་གྱིས་དབུའི་གཙུག་ཏོར་གྱི་བར་དུ་མཚན་རེ་རེ་དང་། དཔེ་བྱད་རེ་རེ་དང་། གཟུགས་རེ་རེ་ནས་མཐར་གྱིས་རྗེས་སུ་དྲན་པ་ནི་བཟློག་སྟེ་མས་མཐར་གྱིས་རྗེས་སུ་དྲན་པ་ཞེས་བྱའོ།།
260b3 སེམས་ཅན་ལ་ལ་ནི་དེ་བཞིན་གཤེགས་པའི་སྐུ་གསེར་བཙོ་མའི་མདོག་ལྟ་བུ་འཛམ་བུ་གླིང་ན་ཁ་དོག་མཆོག་དམ་པར་འཛིན་པ། ཉི་མ་བརྒྱ་སྟོང་འཚར་བའི་གསེར་གྱི་རི་ལྟ་བུ་རྗེས་སུ་དྲན་པ་ལ
260b4 མོས་པ་ཡང་ཡོད། སེམས་ཅན་ལ་ལ་ནི་དེ་བཞིན་གཤེགས་པའི་སྐུ་མཐོ་བཅུ་དྲུག་པ་མཚན་གྱིས་བརྒྱན་པ་རྗེས་སུ་དྲན་པ་ལ་མོས་པ་ཡང་ཡོད། སེམས་ཅན་ལ་ལ་ནི་དེ་བཞིན་གཤེགས
260b5 པའི་འོད་ཟླུམ་པོ་ལ་འདོམ་གང་བ་རྗེས་སུ་དྲན་པ་ལ་མོས་པ་ཡང་ཡོད། སེམས་ཅན་ལ་ལ་ནི་དེ་བཞིན་གཤེགས་པའི་སྐུ་ཀུན་ནས་འོད་འཚེར་བ་རྗེས་སུ་དྲན་པ་ལ་མོས་པ་ཡང་ཡོད། སེམས
260b6 ཅན་ལ་ལ་ནི་དེ་བཞིན་གཤེགས་པའི་ཆོས་སྟོན་པའི་བལྟས་མཛད་པ་རྗེས་སུ་དྲན་པ་ལ་མོས་པ་ཡང་ཡོད་དེ། སེམས་ཅན་ལ་ལ་ནི་དེ་བཞིན་གཤེགས་པའི་སྐུ་ལྟེ་བའི་དཔལ་བེའུ་མཚན་ལྷག་གི
260b7 མཚན་དང་འོག་གི་མཚན་ལས་ཉི་མའི་དཀྱིལ་འཁོར་འཆར་བ་རྗེས་སུ་དྲན་པ་ལ་མོས་པ་ཡང་ཡོད་དོ། ། མཚན་བཟང་པོ་རྗེས་སུ་དྲན་པ་གླེང་བ་ཞེས་བྱ་བའི་ལེའུ་སྟེ་གཉིས་པའོ།། །
iiif viewer powered by OpenSeadragon
