| e-texts navigator |
| Wylie |
260a1 རྒྱལ་མཚན་སྣང་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཞབས་ཀྱི་བྱིན་པ་རི་དགས་ཨེ་ནེ་ཡའི་རྒྱལ་པོའི་བྱིན་པ་ལྟ་བུའི་རྗེས་སུ་དྲན་པ་ལ་མོས
260a2 སེམས་ཅན་ལ་ལ་ནི་དེ་བཞིན་གཤེགས་པའི་ཞབས་ཀྱི་ངར་གདོང་དྲང་བའི་མཚན་ལས་འོད་གཟེར་འབྱུང་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཞབས་ཀྱི་བོལ་འཛམ་བུ
260a3 ཆུ་ཀླུང་གི་གསེར་གྱི་མདོག་ལྟ་བུར་གསལ་ལ་སྤུ་སྐྱེས་པ་མཛེས་ཤིང་། ཞབས་ཀྱི་སོར་མོ་འབྲེལ་བའི་བར་ན་དར་ལའི་རི་མོ་ལྟར་རི་མོ་སྣང་ལ་བོད་ཀྱི་ཁ་དོག་དང་ལྡན་པ་རྗེས་སུ་དྲན་པ་ལ་མོས། སེམས
260a4 ཅན་ལ་ལ་ནི་དེ་བཞིན་གཤེགས་པའི་ཞབས་ཀྱི་སེན་མོའི་མཚན་ཟངས་ཀྱི་ཁ་དོག་ལྟ་བུ་ལ་སེན་མོའི་ཐོག་མ་ལ་སེང་གེ་ལྔའི་ཁ་མངའ་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན
260a5 གཤེགས་པའི་ཞབས་ཀྱི་སོར་མོའི་ཐོག་མ་དུང་གི་རི་མོ་ལྟ་བུའི་མཚན་དང་འཇུག་སེལ་གྱི་ཕྱག་རྒྱའི་རི་མོ་ལྟ་བུ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཞབས་ཀྱི
260a6 མཐིལ་མཉམ་པར་གང་བ། སྥུ་ཉ་ག་མ་ཙམ་ཡང་མི་ཆུད་པར་འཁོར་ལོ་རྩིབས་སྟོང་དང་ལྡན་པ། ཉེའུ་ཤིབས་སུ་གཤེགས་པ། རྡོ་རྗེའི་རྩེ་མོ་ལྟ་བུའི་མཚན་དང་ཞབས་ཀྱི་རྟིང་པ་ཚངས་པའི་རྒྱལ
260a7 པོའི་གཙུག་ལྟ་བུ་དུང་གི་རི་མོ་དང་འདྲ་བ་རྗེས་སུ་དྲན་པ་ལ་མོས་པ་ཡང་ཡོད་དེ། དེ་དག་ལ་སོགས་པ་ནི་ཡས་མཐར་གྱིས་རྗེས་སུ་དྲན་པ་ལ་མོས་པ་ཞེས་བྱའོ།། དེ་ལ་སེམས་ཅན་ལ་ལ་ནི
iiif viewer powered by OpenSeadragon
