| e-texts navigator |
| Wylie |
259b1 ། འཇུག་པ་ལྟ་བུ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཕྱག་དང་ཞབས་ལྷའི་ན་བཟའ་ལྟར་འཇམ་ཞིང་མཉེན་པ་རྗེས་སུ་དྲན་པ་ལ་མོས། སེམས་ཅན་ལ་ལ་ནི
259b2 དེ་བཞིན་གཤེགས་པའི་ཕྱག་ཕྱི་ནང་དུ་འཆང་དུ་རུང་བའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཐུགས་ཀའི་དཔལ་གྱི་བེའུ་དང་གཡུང་དྲུང་གི་མཚན
259b3 ལས་ནོར་བུ་རིན་པོ་ཆེ་གསུམ་གྱི་འོད་འབྱུང་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་སྐུའི་ལྟེ་བ་ནོར་བུ་རིན་པོ་ཆེ་ཕྱི་ལིང་ག་ལྟ་བུའི་མཚན་རྗེས་སུ་དྲན་པ་ལ་མོས
259b4 སེམས་ཅན་ལ་ལ་ནི་དེ་བཞིན་གཤེགས་པའི་སྐུའི་རྩིབ་མ་ཆེ་ཆུང་མཉམ་ཞིང་མཚམས་འབྲེལ་བའི་མཚན་ལས་འོད་གཟེར་བྱུང་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན
259b5 གཤེགས་པའི་སྐུའི་རུས་པའི་ཚིགས་ཀླུ་འཁྱིལ་བ་ལྟར་འབྲེལ་ཞིང་ཐགས་བཟང་བའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་གཤེགས་པའི་སྐུའི་རུས་པ་ལུ་གུ་རྒྱུད་བརྐྱང་བ་དང་།
259b6 བསྐུམ་པ་ལ་མི་གནོད་པའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་སྐུའི་རུས་པ་ཤེལ་དང་ཁ་བས་ཀྱང་དཔེར་མི་བཟོད་པར་དཀར་ལ་འོད་ལེ་བརྒན་ལྟ་བུ་རྣམ
259b7 པར་བཞག་པར་འབར་ཞིང་རི་མོར་སྣང་ལ་དྲིལ་བུ་ལྟ་བུ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་སྐུའི་གསང་བའི་གནས་སྦུབས་སུ་ནུབ་པའི་མཚན་ལས་འོད་གཟེར་གྱི
iiif viewer powered by OpenSeadragon
