| e-texts navigator |
| Wylie |
258b1 ལྟ་བུར་སྣང་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་དབུའི་གཙུག་ཏོར་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་དབུའི་ཀླང་བཤེལ་ལྟ
258b2 བུ་ལས་འོད་གཟེར་འབྱུང་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་སྙན་ཤལ་རིང་པོ་ལས་འོད་འབྱུང་བའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན
258b3 གཤེགས་པའི་སྙན་གྱི་མཆོག་མའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་སྙན་གྱི་སྤུ་ཉག་མ་བདུན་འཁྱིལ་ཞིང་སྐྱེ་བའི་མཚན་རྗེས་སུ་དྲན་པ་ལ་མོས། སེམས
258b4 ཅན་ལ་ལ་ནི་དེ་བཞིན་གཤེགས་པའི་སྐུའི་སྒྲོག་རུས་མཉམ་པར་གང་བའི་མཚན་ལས་འོད་གཟེར་གྱི་ཁང་པ་བརྩེགས་པ་འབྱུང་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས
258b5 པའི་སྐུའི་མཚན་ཁུང་མཉམ་པར་གང་བའི་མཚན་ལས་ཡིད་བཞིན་གྱི་ནོར་བུ་རིན་པོ་ཆེ་ལྔ་ལྔས་སྐུའི་མཚན་ཁུང་བཏེག་པ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཕྱག།
258b6 ངར་ཟླུམ་པ་བལ་གླང་གི་རྒྱལ་པོའི་སྣ་ལྟ་བུའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཕྱག་གི་གྲུ་མོའི་ཀླུའི་རྒྱལ་པོའི་སྒྲ་བཅིངས་པ་ལྟ་བུ་རི་མོ་མ་ཉམས་པ་ལ་ཚིགས
258b7 ཚིགས་ན་ཀླུ་འཁྱིལ་བ་ལྟ་བུར་སྣང་བ་དང་། ཕྱག་མཐིལ་གྱི་རི་མོ་གོ་རིམས་མ་ནོར་བ་དང་། ཕྱག་སོར་གྱི་རྩེ་མོ་ལ་འཁོར་ལོའི་རྩིབས་བཅུ་གཉིས་དང་ལྡན་པའི་མཚན་མངོན་པར་སྣང་བ་རྗེས་སུ་དྲན་པ་ལ
iiif viewer powered by OpenSeadragon
