| e-texts navigator |
| Wylie |
257b1 གཤེགས་པའི་ཤངས་ཀྱི་དབྱིབས་བྱ་རིག་པའི་རྒྱལ་པོའི་མཆུ་བུའི་མཚན་རྗེས་སུ་དྲན་ཞིང་ཡིད་ལ་བྱེད་པར་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཞལ་གྱི་ཨག་ཙོམ་ལྕོང་མོའི་དབྱིབས
257b2 ལྟ་བུ་ལས་འོད་གཟེར་འབྱུང་བ་རྗེས་སུ་དྲན་ཞིང་ཡིད་ལ་བྱེད་པར་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཞལ་གྱི་སྤྲོས་དང་དཀན་གྱི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ
257b3 ནི་དེ་བཞིན་གཤེགས་པའི་སྒྲོས་ཀྱི་ཁ་དོག་འབིམ་པའི་འབྲས་བུ་ལྟར་དམར་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་མཆུའི་སྒྲོས་མེ་ཏོག་པདྨའི་འདབ་མ་ལྟར་ཁ་དོག
257b4 དམར་སྨག་ལ་ཤིང་ཏོག་འབིམ་པའི་མདོག་ལྟ་བུ་ལ་འོད་འབར་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཚེམས་བཞི་བཅུ་པོའི་མཚན་རྗེས་སུ་དྲན་པ་ལ་མོས། སེམས
257b5 ཅན་ལ་ལ་ནི་དེ་བཞིན་གཤེགས་པའི་ཚེམས་དཀར་ཞིང་མཉམ་ལ་ཐགས་བཟང་བའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཚེམས་ཀྱི་རི་མོའི་མཚན་རྗེས་སུ
257b6 དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཚེམས་རི་མོའི་ས་བཅད་པ་མེ་ཏོག་ཨུ་དུམ་འབར་བ་ལྟ་བུའི་མཚན་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས
257b7 པའི་ཞལ་གྱི་དཀན་ལ་རི་མོ་བརྒྱད་ཁྲི་བཞི་སྟོང་མངོན་པར་གསལ་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པའི་ཞལ་གྱི་རྙིལ་གོང་འོག་གཉིས་མེ་ཏོག་ཨུ་དུམ་འབར་བའི
iiif viewer powered by OpenSeadragon
