| e-texts navigator |
| Wylie |
256b1 བཞིན་གཤེགས་པ་མངོན་པར་རྫོགས་པར་བྱང་ཆུབ་པ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་བ་རྗེས་སུ་དྲན་པ་ལ་མོས། སེམ
256b2 ཅན་ལ་ལ་ནི་དེ་བཞིན་གཤེགས་པ་སུམ་ཅུ་རྩ་གསུམ་གནམ་དུ་གཤེགས་ཏེ། ཡུམ་སྒྱུ་མ་ལ་ཆོས་བསྟན་པ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པས
256b3 འབྲོག་དགོན་པའི་སྲིན་བརྟུལ་བ་རྗེས་སུ་དྲན་པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པས་ན་ག་ཧ་ལར་ཀླུ་རྣམས་བཏུལ་ཏེ། སྐུའི་གཟུགས་བརྙན་བཞག་པ་རྗེས་སུ་དྲན
256b4 པ་ལ་མོས། སེམས་ཅན་ལ་ལ་ནི་དེ་བཞིན་གཤེགས་པ་ཀུ་ཤིའི་གྲོང་ཁྱེར་ན་གཉེན་གྱི་བུ་གཅེར་བུ་པ་ལ་སོགས་པ། སྟོན་པ་དྲུག་དང་། རྐུན་མ་མ་རུངས་པ་དང་། ཚུལ་ཁྲིམས་འཆལ་པ
256b5 ཅན། ངན་པར་ལྟ་བ་ལ་བཀུར་སྟི་བྱེད་པ་དག་བཏུལ་བ་རྗེས་སུ་དྲན་པ་ལ་མོས་པ་ཡང་ཡོད་དོ།། དེ་བཞིན་དུ་རྒྱལ་པོ་ཡབ་ང་ཡོངས་སུ་མྱ་ངན་ལས་འདས་ནས། སྐྱེ་བོ་མང་པོ་དག་གི་སྤྱོད
256b6 པ་དང་། ལས་ཇི་སྙེད་པ་དང་། སེམས་དང་འདུ་ཤེས་ཇི་སྙེད་ཡོད་པ་དག། ཅི་དང་ཅིས་འདུལ་བ་མི་མཐུན་ཏེ། སེམས་ཅན་དེ་དག་གི་སེམས་དང་འདུ་ཤེས་ཇི་ལྟར་ལྟ་བ་བཞིན་དུ། རིམས་ཀྱིས
256b7 སེམས་རྩེ་གཅིག་ཏུ་ཡིད་ལ་བྱེད་པ་དག་ང་ད་ལྟར་བཞུགས་པ་ལ་ཡིད་ལ་བྱེད་ཐ་དད་པ་མེད་པར་བསྟན་པར་བྱའོ། ། འདི་ལྟ་སྟེ། ཉི་མ་ཤར་བའི་ཚེ་མུན་པ་ཐམས་ཅད་སྣང་བར
iiif viewer powered by OpenSeadragon
