| e-texts navigator |
| Wylie |
255b1 དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར་བའི་དུས་ཀྱི་མཚན་ཤེས་པར་འདོད་པ་དང་། དེ་བཞིན་གཤེགས་པའི་སྐྱེས་བུའི་མཚན་གསང་བའི་གནས་སྦུགས་སུ་ནུབ་པའི་མཚན་ཤེས
255b2 པར་འདོད་པ་དང་། དེ་བཞིན་གཤེགས་པའི་སུམ་ཅུ་རྩ་གསུམ་གནམ་དུ་གཤེགས་ཏེ། ཡུམ་སྒྱུ་མ་ལ་ཆོས་བསྟན་པའི་དུས་ཀྱི་མཚན་ཤེས་པར་འདོད་པ་དང་། དེ་བཞིན་གཤེགས་པ
255b3 སུམ་ཅུ་རྩ་གསུམ་གནམ་ནས་བབས་པའི་དུས་ཀྱི་མཚན་ཤེས་པར་འདོད་པ་དང་། དེ་བཞིན་གཤེགས་པ་གཤེགས་པ་དང་། བཞེངས་པ་དང་། བཞུགས་པ་དང་། གཟིམས་པ་དང་། སྤྱོད
255b4 ལམ་བཞིའི་འོད་གཟེར་གྱི་མཚན་ཤེས་པར་འདོད་པ་དང་། དེ་བཞིན་གཤེགས་པས་ཀུན་ཤི་ལའི་གྲོང་ཁྱེར་དུ་གྱང་བཏུལ་བའི་དུས་ཀྱི་མཚན་ཤེས་པ་འདོད་པ་དང་། དེ་བཞིན་གཤེགས་པ
255b5 འབྲོག་དགོན་པའི་སྲིན་བཏུལ་བའི་དུས་ཀྱི་བ་སྤུའི་བུ་གའི་འོད་ཟེར་གྱི་མཚན་ཤེས་པར་འདོད་པ་ཡང་ཡོད་དོ། ། རྒྱལ་པོ་ཡབ་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་འཁོར་རྣམ
255b6 བཞི་དང་། ལྷ་དང་། ཀླུ་དང་། གནོད་སྦྱིན་ལ་སོགས་པ། སེམས་རྩེ་གཅིག་པར་འདོད་པ་དང་། ཡིད་ལ་བྱེད་པར་འདོད་པ་དང་། རྣལ་འབྱོར་པར་འདོད་པ་དང་། ཏིང་ངེ་འཛིན་ལ་མཉམ་པར
255b7 འཇོག་པར་འདོད་པ་ཡང་ཡོད་དོ། ། རྒྱལ་པོ་ཡབ་དེ་ལ་ཇི་ལྟར་ན་སེམས་རྩེ་གཅིག་ཏུ་བྱེད་པ་ཞེ་ན། སེམས་ཅན་ལ་ལ་ནི་དེ་བཞིན་གཤེགས་པའི་སྐུའི་མཚན་ཕུན་སུམ་ཚོགས་པ་དང་ལྡན་པ་རྗེས་སུ།
iiif viewer powered by OpenSeadragon
