| e-texts navigator |
| Wylie |
254b1 ཀྱིས་ཀྱང་དེ་ལྟ་བུ་དག་ནུས་ན་སངས་རྒྱས་ཀྱི་ཆོས་རྣམ་པར་དག་པ་བསམ་གྱིས་མི་ཁྱབ་པ་ལ་ཞུགས་པ་ལྟ་ཅི་སྨོས་ཏེ། རྒྱལ་པོ་ཆེན་པོ་རིགས་ཀྱི་བུ་འམ། རིགས་ཀྱི་བུ་མོ་གང་སེམས་རྩེ་གཅིག
254b2 ཏུ་སངས་རྒྱས་ཀྱི་སྤྱོད་ཡུལ་ཡིད་ལ་བྱེད་ན། ཏིང་ངེ་འཛིན་གྱི་རྒྱ་མཚོ་ཐམས་ཅད་ལ་མཉམ་པར་འཇོག་པར་འགྱུར་ཏེ། གང་ཟག་དེའི་བསོད་ནམས་ནི་བརྗོད་ཅིང་དཔག་ཏུ་མེད་པས། སངས་རྒྱས།
254b3 རྣམས་དང་སྤྱོད་ཡུལ་གཅིག་པར་འགྱུར་རོ།། དཔེ་དྲུག་ཅེས་བྱ་བའི་ལེའུ་སྟེ་དང་པོའོ།། །། དེ་ལ་ཇི་ལྟར་ན་སངས་རྒྱས་ཀྱི་སྤྱོད་ཡུལ་རྗེས་སུ་དྲན་པ་ཞེ་ན། སངས་རྒྱས་བཅོམ།།
254b4 ལྡན་འདས་འཇིག་རྟེན་དུ་བྱུང་བའི་ཆོས་ནི་རྣམ་པ་གཉིས་ཡོངས་སུ་བརྒྱན་ཏེ། གཉིས་དེ་གང་ཞེ་ན། འདི་ལྟ་སྟེ། སྔར་མདོ་སྡེ་བཅུ་གཉིས་ཡོངས་སུ་རྒྱས་པར་བསྟན་ནས། སྐྱེ
254b5 པོ་མང་པོ་དག་ཀློག་པ་དང་། འདོན་པ་དང་། ཁོང་དུ་ཆུད་པར་བྱེད་པ་རྣམ་པ་མང་པོ་འདི་དག་ནི་ཆོས་ཀྱི་སྦྱིན་པ་ཞེས་བྱའོ།། གཉིས་སུ་ནི་གཟུགས་ཀྱི་སྐུ་དམ་པ་འཛམ་བུ་གླིང་དང་། ཕྱོགས
254b6 བཅུའི་འཇིག་རྟེན་གྱི་ཁམས་ཀུན་ཏུ་བསྟན་ནས། སེམས་ཅན་མང་པོ་དག་སངས་རྒྱས་ཀྱི་གཟུགས་ཀྱི་སྐུ་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་རྒྱད་ཅུ་ཉམས་པ་མེད་པས་ཡོངས
254b7 སུ་བརྒྱན་ནས། མཛེས་པ་མཐོང་ནས་རབ་ཏུ་དགའ་བའི་སེམས་སྐྱེས་ནས་རྗེས་སུ་སྤྱོད་པའོ།། མཚན་དེ་དག་རྒྱུ་གང་ལས་བྱུང་ཞེ་ན། དེ་ཡང་སྔོན་དཀའ་བ་སྤྱོད་པ་བརྒྱ་སྟོང་མང་པོ་དང་།
iiif viewer powered by OpenSeadragon
