| e-texts navigator |
| Wylie |
254a1 གྱུར་ཏོ། ། དེའི་ཚེ་ཕོ་བྲང་གི་ལྷས་ལྷའི་དབང་པོ་ལ་འདི་སྐད་ཅེས་སྨྲས་སོ།། ཀྱེ་རྒྱལ་པོ་ཆེན་པོ་མ་བསྙེངས་ཤིག། སྔ་མ་འདས་པའི་སངས་རྒྱས་རྣམས
254a2 ཀྱིས་གསུངས་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་བ་མཆིས་ཏེ། ལྷའི་དབང་པོས་དེ་འཛིན་འཆང་ནས་འདོན་ཅིང་ཡི་དམ་ཆེན་པོར་བྱེད་ན། ལྷ་མ་ཡིན་གྱི་དམག་རང་ཞི་བར་འགྱུར་རོ་ཞེས་སྨྲས
254a3 པ་དང་། དེའི་ཚེ་བརྒྱ་བྱིན་གྱིས་ལྷའི་གཞལ་མེད་ཁང་དུ་སོང་ནས། སྤོས་རྣམ་པ་སྣ་ཚོགས་བསྲེགས་ཏེ། ཡི་དམ་ཆེན་པོར་བཟུང་ནས། ཤེས་རབ་ཀྱི་ཕ་རོལ་ཏུ་ཕྱིན་པ་རིག་པ་ཆེན་པོའི་སྔགས། ཟླ
254a4 ན་མེད་པའི་སྔགས། མི་མཉམ་པ་དང་མཉམ་པའི་སྔགས། བདེན་ཏེ་མི་བརྫུན་པ་དག་འཛིན་ཏོ།། འདི་བཟུང་བས་མངོན་པར་རྫོགས་པར་འཚང་རྒྱ་བར་ཡང་འགྱུར་ཞེ་ན་ལྷ་མ་ཡིན་གྱི་དམག་ཀྱང
254a5 རང་ཞི་བར་གྱུར་ཅིག་ཅེས་སྨྲས་མ་ཐག་ཏུ། ལྷའི་དབང་པོ་བརྒྱ་བྱིན་གྱི་དགེ་བའི་རྣམ་པར་སྨིན་པའི་བསོད་ནམས་ཀྱིས་སྟེང་གི་ནམ་མཁའ་ལས་རལ་གྲིའི་འཁོར་ལོ་བཞི་ལྷ་མ་ཡིན་གྱི་སྟེང་དུ་རང་ལྷུང
254a6 ངོངོ། ། དེའི་ཚེ་ལྷ་མ་ཡིན་གྱི་རྒྱལ་པོའི་རྣ་བ་དང་། སྣ་དང་རྐང་ལག་ཀྱང་དུ་མར་ཆོད་དེ། རྒྱ་མཚོར་ལྷུང་ནས་རྒྱ་མཚོ་ཆེན་པོ་ཡང་ཁྲག་གིས་དམར་པོར་གྱུར་ཏོ།། དེ་ནས་ལྷ་མ་ཡིན
254a7 གྱི་རྒྱལ་པོ་འཇིགས་ཤིང་སྐྲག་སྟེ། འབྲོས་པའི་གནས་མེད་ནས་པདྨོ་རྩ་བའི་བུ་གར་ཞུགས་སོ།། དེ་དག་འདོད་ཆགས་དང་། ཞེ་སྡང་དང་། གཏི་མུག་ཅན་གྱི་ལྷ་མ་ཡིན་གྱི་རྫུ་འཕྲུལ་གྱི་སྟོབས
iiif viewer powered by OpenSeadragon
