| e-texts navigator |
| Wylie |
253b1 བྱུང་བ་བཤམས་ནས། བུ་མོ་རྣམས་དཔེར་ན། མི་སྟོབས་པོ་ཆེ་ཞིག་གི་ལག་ངར་བརྐྱང་བ་ལས་བསྐུམ་པ་ཙམ་གྱི་སྲིད་དུ། བརྒྱ་བྱིན་ལྷའི་དབང་པོའི་གཞལ་མེད་ཁང་དུ་ཕྱིན་པར་གྱུར་ཏོ།། དེའི
253b2 ཚེ་ལྷའི་གཞལ་མེད་ཁང་ཡང་སྔོན་པས་བརྒྱ་སྟོང་གིས་ལྷག་པར་མཛེས་པར་གྱུར་པས། བརྒྱ་བྱིན་གྱིས་ཆུང་མའི་མིང་ཡང་ཡིད་དུ་འོང་བ་ཞེས་བཏགས་སོ།། ལྷ་ཐམས་ཅད་ཀྱང་ངོ་མཚར་རྨད་ཅེས་ཡོད
253b3 སུ་བསྔགས་པར་གྱུར་ཏོ། ། ཤར་ཕྱོགས་སུ་བལྟས་ན་ནུབ་ཕྱོགས་ཀྱང་ས་ལེར་སྣང་། ལྷོ་ཕྱོགས་སུ་བལྟས་ན་བྱང་ཕྱོགས་ཀྱང་ས་ལེ་སྣང་སྟེ། བློན་པོ་སུམ་ཅུ་རྩ་གཉིས་རྣམས་ཀྱང་ཡིད་དུ་འོང་བ་མཐོ
253b4 བན་དགའ་བས་ཡོངས་སུ་བརྒྱན་ཏེ། བ་སྤུའི་ཁུང་བུ་ཐམས་ཅད་ནས་ཀྱང་དགའ་ཞིང་བདེའོ།། དེ་ནས་དེའི་ཚེ་བརྒྱ་བྱིན་ལྷའི་དབང་པོ་ཀུན་དགའི་ར་བ་ན་ལྷའི་བུ་མོ་རྣམས་དང་རྫིང་བུར
253b5 ཞུགས་ཏེ་རྩེ་བ་ན། ཡིད་དུ་འོང་བ། ཕྲག་དོག་སྐྱེས་ཏེ། གནོད་སྦྱིན་ལྔ་པའི་སྟེང་དུ་མངགས་ནས་ཕ་ལ་འདི་ཞེས་སྦྲན་ཏོ།། བརྒྱ་བྱིན་བདག་ལ་ནི་མི་གནང་གི། ལྷའི་བུ་མོ་རྣམས་དང་རང་དགའ་ཞིང
253b6 རྩེ་ཞེས་སྤྲིང་བས། ཕས་ཚིག་དེ་ཐོས་པ་དང་། ཞེ་སྡང་གི་སེམས་སྐྱེས་ཏེ། དམག་རྣམ་བཞི་བཤམས་ནས། བརྒྱ་བྱིན་ལ་བརྒལ་བའི་ཕྱིར། རྒྱ་མཚོ་ཆེན་པོའི་ནང་ནས་འགྲེང་སྟེ། རི་རབ་ལྷུན
253b7 པོ་ལ་སྐུར་རྟེན་བཅད་ནས། ལག་པ་དགུ་བརྒྱ་དགུ་བཅུ་རྩ་དགུ་པོ་ཀུན་གྱིས་རི་རབ་ལྷུན་པོ་དང་། རྒྱ་མཚོ་ཆེན་པོ་བཞི་བསྐུལ་ཞིང་དཀྲུགས་པས་བརྒྱ་བྱིན་རབ་ཏུ་འཇིགས་ཤིང་སྐྲག་ནས་ཉམ་ཐག་པར
iiif viewer powered by OpenSeadragon
