| e-texts navigator |
| Wylie |
253a1 དང་བུ་མོ་གཅིག་བཙས་སོ། ། བུ་མོ་དེའི་ལུས་བྱད་མཛེས་ལ་སྡུག་པ་ནི་འཇིག་རྟེན་ན་བསྐྲུན་དུ་མེད་དེ་ཁ་དོག་གི་ནང་ན་ཁ་དོག་དམ་པའི་མདོག་དང་ལྡན་ཏེ། ངོ་ལ་མངའ་བརྒྱད་ཁྲི
253a2 བཞི་སྟོང་གིས་བརྒྱན་པ། གཡས་ནས་ཀྱང་བརྒྱད་ཁྲི་བཞི་སྟོང་། གཡོན་ནས་ཀྱང་བརྒྱད་ཁྲི་བཞི་སྟོང་མདུན་ནས་ཀྱང་བརྒྱད་ཁྲི་བཞི་སྟོང་། རྒྱབ་ནས་ཀྱང་བརྒྱད་ཁྲི་བཞི་སྟོང་གིས་ཤིན་ཏུ་བརྒྱན་ཏེ།
253a3 ལྷ་མ་ཡིན་གྱིས་ཀྱང་ངོ་མཚར་རྨད་ཀྱི་ཡ་མཚན་དུ་འཛིན་ཏོ།། ཇི་ལྟར་སྐར་མའི་ནང་ན་ཟླ་བ་ལྟར་ངོ་མཚར་རྨད་དུ་གྱུར་པས། བརྒྱ་བྱིན་ལྷའི་དབང་པོས་ཐོས་པ་དང་། ལྷ་མ་ཡིན་ལ་བུ་མོ་སློང་བའི་ཕོ
253a4 ཉ་བཏང་ངོ་། ། དེ་ལ་ལྷ་མ་ཡིན་གྱིས་འདི་སྐད་ཅེས་སྨྲས་སོ།། ཁྱོད་ལྷའི་རྣམ་པར་སྨིན་པའི་བསོད་ནམས་ཀྱིས་བདག་རིན་པོ་ཆེ་སྣ་བདུན་གྱི་གཞལ་མེད་ཁང་ན་འདུག་པར་བྱས་ན། བུ་མོ་ཆུང་མར
253a5 སྦྱིན་ནོ་ཞེས་སྨྲས་སོ། ། དེ་ནས་བརྒྱ་བྱིན་གྱིས་ཚིག་དེ་ཐོས་པ་དང་། རབ་ཏུ་སྤྲོ་བའི་སེམས་སྐྱེས་ཏེ། མགོའི་ཅོད་པན་ཕུང་ནས་རྒྱ་མཚོའི་ལོགས་སུ་བསྟན་པ་དང་། དགེ་བ
253a6 བཅུའི་རྣམ་པར་སྨིན་པའི་དབང་གིས། ལྷ་མ་ཡིན་དེ་རིན་པོ་ཆེའི་གཞལ་མེད་ཁང་ན་འདུག་པར་གྱུར་ཏོ།། དེ་ནས་ལྷ་མ་ཡིན་གྱི་རྒྱལ་པོ་རབ་ཏུ་དགའ་མགུ་རངས་ནས། བུ་མོ་ཆུང
253a7 མར་བྱིན་ནོ། ། དེ་ནས་བརྒྱ་བྱིན་གྱི་བུ་མོ་དེ་དག་རིན་པོ་ཆེ་རྣམ་པ་དྲུག་གི་ཁང་པ་བརྩེགས་པས་བསུས་ཏེ། ཁང་པ་བརྩེགས་པ་དེའི་ནང་ན་པདྨོ་ཆེན་པོ་དང་། ལྷའི་བུ་མོ་བརྒྱད་ཁྲི་བཞི་སྟོང་སྙེད་སྤྲུལ་ཏེ
iiif viewer powered by OpenSeadragon
