| e-texts navigator |
| Wylie |
252b1 ཀྱང་མེ་འབྱུང་ངོ་། ། ལག་པ་ནི་དགུ་བརྒྱ་དགུ་བཅུ་རྩ་དགུ། རྐང་པ་ནི་བརྒྱད་ཡོད་དེ། རྒྱ་མཚོའི་ནང་ནས་ལྷ་མ་ཡིན་གྱི་རྒྱལ་པོ་ཐག་བཟངས་རིས་ཞེས་བྱའོ།། ཞེས་མིང་བཏགས་པའི་སྒྲ་རང་བྱུང་ངོ་།།
252b2 ཟས་སུ་ནི་འདམ་དང་པདྨོའི་རྩ་བ་ཟ་སྟེ། ཆེར་སྐྱེས་ནས་ལྷའི་བུ་དག་ལ་ལྷའི་བུ་མོ་མང་པོས་བསྐོར་བ་མཐོང་ནས་མ་ལ་འདི་སྐད་ཅེས་སྨྲས་སོ།། ལྷ་ཐམས་ཅད་ལ་འདོད་པའི་ཟླ་ཡོད་ན་བདག་འབའ་ཤིག་ལ
252b3 མེད་དོ་ཞེས་འཛེར་ཏོ། ། དེ་ནས་མས་བུ་ལ་སྨྲས་པ། རི་སྤོས་ཀྱི་ངང་ཅན་ལ་ལྷ་དྲི་ཟ་ཞེས་བྱ་བ་ཡོད་དེ། ལྷ་དེའི་བུ་མོ་ཤིན་ཏུ་ཚུལ་ཏུ་ཤིས་ཤིང་སྡུག་ལ། ལུས་མདོག་ཀྱང་ཤེལ་དཀར
252b4 པོ་ལྟར་འཇམ་ཞིང་། ལུས་ཀྱི་བ་སྤུའི་བུ་ག་ཐམས་ཅད་ནས་རོལ་མོའི་སྒྲ་རང་འབྱུང་བ་ཞིག་ཡོད་དེ། དེ་ཁོ་མོའི་ཡིད་ལ་བབ་ན་ཁྱོད་ཀྱི་ཡིད་དུ་འོང་ངམ། ལྷ་མ་ཡིན་གྱིས་མ་ལ་སྨྲས་པ། ལེགས་སོ་ཤིན་ཏུ
252b5 ལེགས་སོ། ། སློང་དུ་སོང་ཤིག་ཅེས་བསྒོའོ།། དེ་ནས་ལྷ་མ་ཡིན་གྱི་མ། རི་སྤོས་ཀྱི་ངད་ཅན་ལ་སོང་ནས་ཕྱིན་པ་དང་། རི་དེའི་ལྷ་ལ་འདི་སྐད་ཅེས་སྨྲས་སོ།། ཁོ་མོ་ལ་བུ་གཅིག་ཡོད་དེ།
252b6 མཐུ་སྟོབས་ཀྱི་དབང་དུ་འགྱུར་བ་གླིང་བཞིའི་ཁམས་ན་དཔེ་ཟླ་མེད་ཀྱིས། ཁྱོད་ལ་བུ་མོ་ཡོད་པ་ཁོ་མོ་བུའི་མནའ་མར་བསླང་ངོ་ཞེས་སྨྲས་པ་དང་བུ་མོས་ཀྱང་ཐོས་པ་དང་ལྷ་མ་ཡིན་ལ་འགྲོ་བར་དགའ་སྟེ
252b7 དེ་ནས་ལྷ་མ་ཡིན་གྱིས་ཆུང་མར་བླངས་སོ། ། ཆུང་མར་བླངས་ནས་རབ་ཏུ་དགའ་བར་གྱུར་ཏེ། བུ་མོ་དང་ལུས་རེག་ནས་རིང་པོ་མ་ལོན་པར་མངལ་དུ་ཆགས་པར་གྱུར་ཏོ།། ལོ་བརྒྱ་སྟོང་ལོན་པ
iiif viewer powered by OpenSeadragon
