| e-texts navigator |
| Wylie |
250b1 དེ་ནས་ནམ་མཁའ་ལྡིང་གི་རྒྱལ་པོ་དེ་དུས་ཟད་ནས་འཆི་བའི་ལྟས་མངོན་དུ་བྱུང་ནས། ཀླུ་ཐམས་ཅད་ཀྱང་ཁ་དང་ལུས་ཀུན་ནས་གདུག་པ་འབྱིན་པས། ཟས་མི་རྙེད་དེ་ལྟོགས་མ
250b2 རི་གཟར་པོ་ཀུན་ལ་རྒྱུ་ཞིང་ཤིན་ཏུ་མི་བདེ་བར་གྱུར་ཏེ། རྡོ་རྗེའི་རི་ལ་ཕྱིན་པ་དང་ཅུང་ཟད་ཅིག་བསྟིས་ནས་རྡོ་རྗེའི་རི་ལས་བབས་ཏེ། ཆུ་ཆེན་པོའི་གཏིང་དུ་ཕྱིན་པར་སོང་ངོ་།། ཆུ་ཆེན་པོའི་གཏིང
250b3 ནས་རླུང་གི་འཁོར་ལོ་ཐུག་གོ། ། རླུང་གིས་བུས་ནས་ཕྱིར་ཡང་རྡོ་རྗེའི་རི་ལ་ཕྱིན་པར་གྱུར་ཏེ། དེ་བཞིན་དུ་ཡན་མན་དུ་ལན་བདུན་སོང་ནས་གདོད་འཆི་བའི་དུས་བྱེད་དོ།། ཤི་བའི་དུས་བྱས་ནས་དེ་ཉིད
250b4 ཀྱིས་གདུགས་པས། རིན་པོ་ཆེའི་རི་བཅུ་ལ་མེ་འབར་སྟེ། དེའི་ཚེ་ཀླུའི་རྒྱལ་པོ་དགའ་བོས་དེ་ལྟར་འབར་ཞིང་མཆིག་པ་མཐོང་ནས་ཤིང་རྟའི་འཁོར་ལོ་ཙམ་གྱི་ཆར་ཆེན་པོ་བབ་སྟེ། མེ་དེ་དག
250b5 རབ་ཏུ་ཞི་བར་བྱས་སོ། ། དེ་ནས་བྱ་དེའི་ཕུང་པོ་ཞིག་སྟེ་ཤ་ཟད་ནས་སྙིང་འབབ་ཤིག་ལུས་སོ།། སྙིང་དེ་ཡང་སྔ་མ་བཞིན་དུ་ལན་བདུན་གྱི་བར་དུ་ཡན་མན་དུ་སོང་ནས། གདོད
250b6 རྡོ་རྗེའི་རིའི་རྩེ་མོར་ཆགས་སོ། ། དེ་དག་ཀླུའི་རྒྱལ་པོ་དགའ་བོས་རྙེད་ན་གཙུག་གི་ནོར་བུར་འདོགས་སོ།། འཁོར་ལོ་སྒྱུར་བའི་རྒྱལ་པོས་སྙེད་ན་ཡིད་བཞིན་གྱི་ནོར་བུ་རིན་པོ་ཆེར་འགྱུར་རོ།། རྒྱལ
250b7 པོ་ཆེན་པོ་གང་རིགས་ཀྱི་བུ་འམ། རིགས་ཀྱི་བུ་མོ་གང་སངས་རྒྱས་རྗེས་སུ་དྲན་པ་ཡང་དེ་དང་འདྲའོ།། རྒྱལ་པོ་ཆེན་པོ་གཞན་ཡང་རི་ཁ་བ་ཅན་ལ་ཤིང་ཨ་འགའ་ཏ་ཞེས་བྱ་བ་ཡོད་དེ། དེརྗེ
iiif viewer powered by OpenSeadragon
