| e-texts navigator |
| Wylie |
250a1 རུལ་པ། ཞིགས་པ་ལྟར་དཔག་ཚད་བཞི་བཅུའི་བར་དུ་བྲོའོ།། དེའི་མེ་ཏོག་ནི་ཁ་དོག་ལེབ་རྒན་དུ་འདུག་ལ་ཀུན་གྱི་ཡིད་དུ་འོང་ངོ་།། དེ་ལ་ལ་ཞིག་གིས་ཟོས་ན་སྤྲོས་ཏེ་འཆིའོ།།
250a2 གོར་ཤིར་ཤ་ཞེས་བྱ་བའི་ཙན་དན་ཚལ་དེ་ན་སྐྱེ་མོད་ཀྱི། ཚད་དུ་མ་ཕྱིན་པས་དྲི་བསྲུང་ཡང་མི་བྲེའོ།། བགས་ཀྱིས་སྐྱེས་ཏེ་སྟོན་གྱི་ཟླ་བའི་གྲངས་ཚང་ནས་ས་ལས་འཕགས་ཏེ། ཙན་དན་གྱི་སྡོང་པོར
250a3 གྱུར་པ་ན། འཇིག་རྟེན་པ་བདག་གིས་གོར་ཤིར་ཤྭ་ཞེས་བྱ་བའི་ཙན་དན་འབའ་ཞིག་གིས་དྲི་ཞིམ་པོ་བྲོ་བར་ཚོར་གྱི། ཨེ་རན་དའི་དྲི་ངན་པ་ནམ་དུ་ཡང་མི་བྲོའོ།། རྒྱལ་པོ་ཆེན་པོ་སངས་རྒྱས་རྗེས
250a4 སུ་དྲན་པ་དག་ཀྱང་དེ་དང་འདྲ་སྟེ། རྗེས་སུ་དྲན་པའི་སེམས་དེས་ན་བྱང་ཆུབ་རྣམ་པ་གསུམ་ཡང་མཐོང་བར་འགྱུར་རོ།། གཞན་ཡང་རྒྱལ་པོ་ཡབ་འཛམ་བུ་གླིང་དང་གླིང་བཞིན། བྱ་ནམ་མཁའ
250a5 ལྡིང་གི་རྒྱལ་པོ་ཡང་དག་དབྱངས་ཤེས་བྱ་བ་ཡོད་དེ། བྱ་ཐམས་ཅད་ཀྱི་དབང་པོར་གྱུར་པ། བྱ་དེའི་རྣམ་པར་སྨིན་པའི་ལས་ཀྱིས་ཟས་སུ་ཀླུ་ཟ་སྟེ། ཉིན་རེ་རིམས་ཀྱིས་འཛམ་བུ་གླིང་ན་ཀླུའི་རྒྱལ་པོ
250a6 གཅིག་དང་ཀླུ་བྲན་ལྔ་བརྒྱ་ཟའོ། ། ཕྱིད་ཉིན་ཡང་ཤར་གྱི་ལུས་འཕགས་གླིང་དུ་ཀླུའི་རྒྱལ་པོ་གཅིག་དང་ཀླུ་བྲན་ལྔ་བརྒྱ་ཟའོ།། དེ་བཞིན་དུ་ནུབ་ཀྱི་བ་གླང་སྤྱོད་དུ་ཡང་ཀླུའི་རྒྱལ་པོ་གཅིག་དང་ཀླུ
250a7 བྲན་ལྔ་བརྒྱ་ཟའོ། ། དེ་བཞིན་དུ་རིམས་ཀྱིས་བྱང་གི་སྒྲ་མི་སྙན་དུ་ཡང་ཀླུའི་རྒྱལ་པོ་གཅིག་དང་ཀླུ་བྲན་ལྔ་བརྒྱ་ཟ་སྟེ། དེ་བཞིན་དུ་གླིང་བཞིར་མཐར་གྱིས་འཁོར་ཞིང་བརྒྱད་སྟོང་གི་བར་དུ་ཟའོ།།
iiif viewer powered by OpenSeadragon
