| e-texts navigator |
| Wylie |
249b1 མཆིས་པའི་ཚེ་ན། མགོ་དང་། མིག་དང་། མཆེ་བ་དང་། སྡེར་མོ་དང་། རལ་པ་དང་། ལུང་ལོ་ལ་སོགས་པ་ཀུན་པ་དང་འདྲ་འམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན
249b2 པོ་ཕ་དང་མི་འདྲ་བ་མེད་དེ། མཐུ་རྩལ་ནི་ཕའི་བརྒྱ་སྟོང་གི་ཆར་ཡང་མི་ཕོད་ངོ་།། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་དེ་བཞིན་དུ་ཕྱི་མ་མ་འོངས་པའི་རིགས་ཀྱི་བུ་འམ།
249b3 རིགས་ཀྱི་བུ་མོ་ལ་སོགས་པ་ཐམས་ཅད་ལས་གང་ཡང་རུང་། ལུས་དྲང་པོར་བསྲང་སྟེ། སེམས་རྩེ་གཅིག་ཏུ་ནང་དུ་ཡང་དག་པར་གཞག་ནས། སངས་རྒྱས་ཀྱི་གཟུགས་ཀྱི་སྐུ་རྗེས་སུ་དྲན
249b4 པར་བྱེད་ན། གང་ཟག་དེའི་སེམས་ནི་སངས་རྒྱས་ཀྱི་ཐུགས་དང་འདྲ་བས་སངས་རྒྱས་དང་ཐ་མི་དད་དེ་ཉོན་མོངས་པས་ཤིན་ཏུ་ཉོན་མོངས་ཀྱང་ཉེས་པ་ཐམས་ཅད་ཀྱི་ཟིལ་གྱིས་མི་ནོན་ཏེ། ཕྱི་མ
249b5 མ་འོངས་པའི་དུས་ན་ཆོས་ཀྱི་ཆར་ཆེན་པོ་འབེབས་པར་རིག་པར་བྱའོ། ། རྒྱལ་པོ་ཡབ་གཞན་ཡང་འདི་ལྟ་སྟེ་ཤིང་ཨེ་རན་ཌ་ཞེས་བྱ་བ་ནི་ཤིང་ཙན་དན་དང་། ལྷན་ཅིག་ཏུ་མ་རི་ཞེས་བྱ་བའི་རི་ལ་སྐྱེའོ།།
249b6 གོ་ར་ཤི་ཤ་ཞེས་བྱ་བའི་ཙན་དན་ནི། ཨེ་རན་དའི་ཚལ་ན་སྐྱེ་བ་ཚད་དུ་མ་ཕྱིན་ཅིང་སའི་འོག་ན་འདུག་པའི་ཚེ་ན། མྱུ་གུ་དང་སྡོང་བུ་དང་། ཡལ་ག་དང་། ལོ་མ་ནི་འཛམ་བུ་གླིང་གི་འོད་མའི་མྱུ་གུ་དང
249b7 འདྲ་བས་འཇིག་རྟེན་པ་དག་གིས་མི་ཤེས་ཏེ། འདི་སྐད་དུ་རི་འདི་ལ་ཨེ་རན་ད་འབབ་ཤིག་སྐྱེའི། ཙན་དན་ནི་མེད་དོ་ཞེས་ཟེར་རོ།། ཨེ་རན་ད་ནི་ཤིན་ཏུ་དྲི་མི་ཞིམ་སྟེ། དྲི་མི་ཞིམ་པའི་ཚད་ནི་རོ
iiif viewer powered by OpenSeadragon
