| e-texts navigator |
| Wylie |
249a1 པོ་ཡབ་ཀྱི་སྤྱི་བོ་ལ་རེག་པར་བྱས་སོ། ། རྒྱལ་པོ་ཡབ་ཀྱི་སྤྱི་བོ་ནས་འོད་དེས་འོད་ཀྱི་ཁང་པ་བརྩེགས་པ་སྣང་བར་བྱས་སོ།། འོད་ཀྱི་ཁང་པ་བརྩེགས་པ་ལ་གཞལ་མེད་ཁང
249a2 སྣང་བར་གྱུར་ནས། མི་མཇེད་ཀྱི་འཇིག་རྟེན་གྱི་ཁམས་ཀྱང་སྣང་བར་གྱུར་ཏེ། ཕྱིར་བཅོམ་ལྡན་འདས་ཀྱི་གཙུག་ཏུ་ནུབ་བོ།། དེ་ནས་བཅོམ་ལྡན་འདས་ཀྱིས་རྒྱལ་པོ་ཡབ་ལ
249a3 བཀའ་སྩལ་པ། ལེགས་པར་ཉོན་ལ་རབ་ཏུ་ཡིད་ལ་ཟུང་ཤིག་དང་། མ་འོངས་པའི་སེམས་ཅན་རྣམས་ཀྱིས་སངས་རྒྱས་མཐོང་བར་འགྱུར་བའི་ཆོས་དེ་བཞིན་གཤེགས་པས་བཤད་པར་བྱའོ།།
249a4 བཅོམ་ལྡན་འདས་དེ་ལྟར་བགྱིའོ་ཞེས་གསོལ་ནས། རྒྱལ་པོ་ཡབ་བཅོམ་ལྡན་འདས་ལ་ཕྱིར་ཉན་ཏོ།། དེ་ནས་བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ།།
249a5 འཛམ་བུ་གླིང་ན་སེང་གེའི་རྒྱལ་པོ་བྱེ་མ་ལ་ཞེས་བྱ་བ་ཡོད་དེ། སེང་གེའི་ཆོས་ཀྱིས་ལོ་བཞི་བཅུར་ཚང་ན་ཕོ་མོ་གདོད་ཕྲད་དེ། ལྷན་ཅིག་འཁྲིལ་མ་ཐག་ཏུ་མཆོང་ཞིང་སྒྲ་སྒྲོགས་ཏེ། འགྲེ་ཞིང་ལུས
249a6 རྡེབས་ཀྱང་སྣང་བ་མེད་དོ། ། སེང་གེ་དེའི་ཕྲུ་གུ་མའི་མངལ་ན་འདུག་པའི་ཚེ་ན་ཡང་། རི་དགས་ཀྱི་རྒྱལ་པོ་དེ་ཉིད་དང་ཐ་དད་པ་མེད་དོ།། རྒྱལ་པོ་ཆེན་པོ་འདི་ལྟར་ཤེས་པར་གྱིས་ཤིག། མངལ་ན
249a7 གནས་པའི་ཚེ་སྒྲ་སྒྲོགས་ཤིང་། འཕུར་བ་ལྟུང་བ་དང་འགྲོ་བ་བོག་པར་གྱུར་པ་ནི་མི་སྲིད་དོ།། རྒྱལ་པོ་ཡབ་ཀྱིས་གསོལ་པ། བཅོམ་ལྡན་འདས་རི་དགས་ཀྱི་རྒྱལ་པོ་དེའི་ཕྲུ་གུ་མའི་མངལ་ན
iiif viewer powered by OpenSeadragon
