| e-texts navigator |
| Wylie |
248b1 བྱས་ཏེ། ཕྱོགས་གཅིག་ཏུ་འཁོད་དོ།། དེ་ནས་རྒྱལ་པོ་ཡབ་འདུག་པ་ལས་ལངས་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ནི་བདག་གི་སྲས
248b2 ལགས་ཏེ། བདག་ནི་དེ་བཞིན་གཤེགས་པའི་ཡབ་ལགས་ན། བདག་གིས་སངས་རྒྱས་ཀྱི་གཟུགས་ཀྱི་སྐུ་མཐོང་བ་ན། ཕྱི་རོལ་འབའ་ཞིག་ནི་མཐོང་གི། ནང་གི་དོན་ནི་མ་མཐོང་ངོ་།། དོན་གྲུབ
248b3 ཁྱོད་ཁབ་ན་བཞུགས་པའི་ཚེ། བྲམ་ཟེ་མཚན་མཁན་གྱིས་བལྟས་ན། མཚན་སུམ་ཅུ་རྩ་གཉིས་དང་ལྡན་པར་མཐོང་ངོ་།། ད་མངོན་པར་རྫོགས་པར་སངས་རྒྱས་ནས་འོད་ཟེར་མངོན་པར་སྣང་བ་ནི།
248b4 སྔོན་པས་ཁྲི་ཕྲག་དུ་མས་འཕགས་ན། བཅོམ་ལྡན་འདས་ཡོངས་སུ་མྱ་ངན་ལས་འདས་པའི་འོག་ཏུ་མ་འོངས་པའི་སེམས་ཅན་དག་ཇི་ལྟ་བུར་སངས་རྒྱས་ཀྱི་སྐུའི་གཟུགས་དང་། མཚན་དང་། དེ
248b5 བཞིན་གཤེགས་པའི་འོད་ཟེར་རྟག་མའི་ཚད་བརྟག་པར་བགྱི་བ་ལྷའི་མཆོག་གིས་བདག་དང་ཕྱི་མ་མ་འོངས་པའི་སེམས་ཅན་རྣམས་ཀྱི་སླད་དུ་རྣམ་པར་ཕྱེ་སྟེ་བཤད་དུ་གསོལ། དེའི་ཚེ་བཅོམ
248b6 ལྡན་འདས་ཀྱིས་གཟུགས་ཀྱི་སྐུ་ཀུན་ཏུ་སྟོན་པ་ཞེས་བྱ་བའི་ཏིང་ངེ་འཛིན་ལ་མཉམ་པར་གཞག་གོ། ཏིང་ངེ་འཛིན་དེ་ལས་བཞེངས་ནས། འཛུམ་པ་མཛད་དེ། སངས་རྒྱས་དག་གིས་ཆོས་ཉིད
248b7 ཀྱིས་འཛུམ་པ་མཛད་ན། ཁ་དོག་རྣམ་པ་ལྔ་དང་ལྡན་པའི་འོད་ཟེར་ཞལ་གྱི་སྒོ་ནས་བྱུང་ངོ་།། ཁ་དོག་རྣམ་པ་ལྔ་པོ་དེ་དག་ལས་བོང་ཁ་དོག་ལྔ་བརྒྱར་གྱུར་ནས། ཞལ་གྱི་སྒོ་ནས་བྱུང་སྟེ། རྒྱལ
iiif viewer powered by OpenSeadragon
