| e-texts navigator |
| Wylie |
248a1 ན་དང་། མ་འགགས་པ་ལ་སོགས་པ་དང་། བྱང་ཆུབ་སེམས་དཔའ་བྱམས་པ་དང་། བཟང་སྐྱོང་ལ་སོགས་པ་སྐྱེས་བུ་དམ་པ་བཅུ་དྲུག་ཀྱང་། དུས་གཅིག་ཏུ་འདུས
248a2 ཤིག་པར་སྦྲོན་ཅིག་ཅེས་བཀའ་སྩལ་པའི་གསུང་དབྱངས་ཀྱིས་ཕྱོགས་བཅུ་ཀུན་ཏུ་གྲགས་པར་གྱུར་ཏོ། ། དེའི་ཚེ་ལྷའི་དབང་པོ་དང་། གནོད་སྦྱིན་གྱི་དབང་པོ་དང་། དྲི་ཟའི་དབང་པོ་དང་།
248a3 ལྷ་མ་ཡིན་གྱི་དབང་པོ་དང་། ནམ་མཁའ་ལྡིང་གི་དབང་པོ་དང་། མི་འམ་ཅིའི་དབང་པོ་དང་། ལྟོ་འཕྱེ་ཆེན་པོའི་དབང་པོ་དང་། ཀླུའི་དབང་པོ་ལ་སོགས་པ་ཐམས་ཅད་འཁོར་དང་བཅས་ཏེ་འདུས
248a4 པར་གྱུར་ཏོ། ། དེའི་ཚེ་རྒྱལ་པོ་ཡབ་ཀྱང་ཤཱཀྱ་མིང་ཆེན་ལ་སོགས་པ་ཤཱཀྱའི་བུ་ཁྲི་ཕྲག་སུམ་ཅུ་རྣམས་དང་འགྲོགས་ཏེ། ལྷན་ཅིག་དུ་བཅོམ་ལྡན་འདས་ཀྱི་གཞལ་མེད་ཁང་དུ་ལྷགས་སོ།། དེའི
248a5 ཚེ་བཅོམ་ལྡན་འདས་ཀྱི་གཞལ་མེད་ཁང་ལ་དེ་དག་གིས་ཤེལ་གྱིས་རི་བོ་དང་འདྲ་བར་མཐོང་སྟེ། མགྲིན་གཅིག་ཏུ་བཅོམ་ལྡན་འདས་ལ་སྤྱི་བོས་གཏུགས་ནས་ཕྱག་འཚལ་ཏོ།། མགོ་མ
248a6 གཏེག་པའི་བར་དུ་སངས་རྒྱས་ཀྱི་སྤྱན་སྔ་ན། རིན་པོ་ཆེ་སྣ་ཚོགས་ལས་བྱས་པའི་པདྨོ་ཆེན་པོ་གཅིག་ཡོད་པར་གྱུར་ཏེ། པདྨོ་དེའི་སྟེང་ནི་འོད་ཀྱི་ཁང་པ་ཆེན་པོ་བརྩེགས་པ་ཆེན་པོ་གཅིག
248a7 ཡོད་པར་མཐོང་ངོ་། ། རྒྱལ་པོ་ཡབ་ཀྱིས་དེ་ལྟ་བུ་དེ་དག་མཐོང་ནས། རབ་ཏུ་དགའ་བའི་སེམས་སྐྱེས་ཏེ། ངོ་མཚར་རྨད་དོ་ཞེས་བསྔགས་ནས། བཅོམ་ལྡན་འདས་ལ་ལན་གསུམ་དུ་བསྐོར་བ
iiif viewer powered by OpenSeadragon
