| e-texts navigator |
| Wylie |
247b1 སྐད་དུ། བུད་དྷ་ཨ་ནུ་སྠི་ཏི་ས་མ་དྷི་ས་མུ་དྲ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། སངས་རྒྱས་རྗེས་སུ་དྲན་པའི་ཏིང་ངེ་འཛིན་གྱི་རྒྱ་མཚོ་ཞེས་བྱ་བ་ཐེག་པ་ཆེན་པོའི་མདོ།
247b2 བམ་པོ་དང་པོ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་གུས་པར་ཕྱག་འཚལ་ལོ།། འདི་སྐད་བདག་གིས་ཐོས་པ་ཕུ་གཅིག་ན། བཅོམ་ལྡན་འདས་སེར་སྐྱའི་གནས
247b3 ཤིང་ནྱ་གྲོ་ཏའི་གཞལ་མེད་ཁང་ན་བཞུགས་སོ། ། དེའི་ཚེ་ཤཱཀྱ་མིང་ཆེན་ཞེས་བྱ་བས། སངས་རྒྱས་དང་དགེ་སློང་གི་དགེ་འདུན་རྣམས་སྤྱན་དྲངས་ཏེ། དབྱར་ཟླ་གསུམ་མཆོད་པ་བྱས་སོ།།
247b4 ཚུལ་ནས་བྱུང་ནས། དེའི་ཚེ་ཡབ་ཟས་གཙང་མ་དང་། གོའུ་ཏ་མི་འཁོར་དང་བཅོས་ཏེ། དགེ་འདུན་གྱི་གནས་ཁང་དུ་ལྷགས་ནས། སངས་རྒྱས་ཀྱི་དགེ་སློང་གི་དགེ་འདུན་རྣམས་ལ་མཆོད་ཅིང
247b5 ཕྱག་འཚལ་ཏེ། ཚེམས་ཤིང་དང་སྲན་ཆེ་ཕུལ་ནས་དགའ་བོ་ལ་འདི་སྐད་ཅེས་སྨྲས་སོ།། བདག་ཅག་བཅོམ་ལྡན་འདས་གང་ན་ཞུགས་པར་འགྲོ་ན་རུང་ངམ་ཞེས་གསོལ་པ་དང་།
247b6 དེ་ནས་དགའ་བོས་དེ་བཞིན་དུ་བཅོམ་ལྡན་འདས་ལ་གསོལ་ཏོ།། བཅོམ་ལྡན་འདས་ཀྱིས་དགའ་བོ་ལ་བཀའ་སྩལ་པ། རྒྱལ་པོ་ཡབ་འདིར་ཕྱིན་ན། དམ་པའི་ཆོས་གླེང་བ་ལ་སྤོབས་པ་སྐྱེད
247b7 པར་འགྱུར་དུ་ངེས་ཀྱིས། ཁྱོད་སོང་ལ་དགེ་སློང་རྣམས་ཀྱང་སྦྲོན་ཅིག། བསྐྱེད་མོས་ཚལ་དུ་སོང་ལ། ཚེ་དང་ལྡན་པ་འོད་སྲུང་ཆེན་པོ་དང་། ཤཱ་རིའི་བུ་དང་། མོའུ་འགལ་ཡ་ན་དང་། ཀ་ཏྱ་ཡ
iiif viewer powered by OpenSeadragon
