| e-texts navigator |
| Wylie |
148a1 བདག་ནི་རྒྱལ་བ་མཆོག་འགྱུར་དོགས་མེད་ཅེས།། དགའ་ཞིང་མགུནས་པར་སྣང་ཀུན་ཏུ་རྒྱུ།། འཇིག་རྟེན་ལྷ་ཡི་ལྷར་གྱུར་སངས་རྒྱས་སུ།། ཁྱད་འཕགས་མཚུངས་མེད་སྦྱིན་གནས
148a2 འགྱུར་བ་དང་། ། དེ་སེམས་སྤྱོད་དང་དགའ་བར་གནས་མཁྱེན་ནས།། དེ་ལ་སྟོབས་བཅུ་མངའ་བས་བཞེས་པར་གྱུར།། བདེ་གཤེགས་མཆོག་གིས་གོས་ནི་བཞེས་རིག་ནས།། དེ་ནི་ཤུགས་སྐྱེས་རབ་དགའ་སེམས
148a3 མགུ་སྟེ། ། མཚུངས་མེད་འཇིག་རྟེན་མགོན་ལ་བལྟས་ནས་ནི།། འཇིག་རྟེན་སངས་རྒྱས་བདག་འགྱུར་མོས་པ་སྐྱེད།། སྐྱེ་ཤི་ཕ་རོལ་སེམས་ཅན་བསྒྲལ་བར་བྱ།། གྲོལ་ནས་སྐྱེ་བོ་མང་པོ་འདུས་བྱས་དགྲོལ།།
148a4 འཇིག་རྟེན་ཀུན་ན་ལོང་བའི་མིག་བདག་གྱུར།། སྣང་བ་ཐོབ་ནས་མུན་པ་རབ་རིབ་བསལ།། དེ་ལྟར་ཕན་ཡོན་དམ་པ་འདི་ཐོས་ནས།། མེ་ཏོག་ཕྲེང་བ་རྒྱལ་མཚན་གོས་མཆོག་དང་།། རོལ་མོ་སྒྲ་དང
148a5 གདུགས་དང་བྱུག་བདུག་གིས། ། མགོན་པོ་མཆོག་ལ་སངས་རྒྱས་འགྱུར་བས་གྱིས།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།། དགེ་སློང་དེ་དག་དང་། བློ་གྲོས་རྣམ་པར་དག་པ་ལ་སོགས
148a6 པ། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡིད་རངས་ཏེ།། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས
148a7 པ་སྤྱན་རས་གཟིགས་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ། ། ། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤི་ལ་དང་། ཞུ་ཆེན་གྱི་ལོ་ཙ་བ་བནྡྷེ་ཡེ་ཤེས་སྡེས་བསྒྱུར་ཅིང་ཐ
iiif viewer powered by OpenSeadragon
