| e-texts navigator |
| Wylie |
147b1 མཐོ་རིས་འཇིག་རྟེན་གནས་ཤིང་ལྷ་དབང་འགྱུར།། མིར་གྱུར་ན་ཡང་མི་ཡི་རྒྱལ་པོར་འོང་།། དེ་ནི་གཞར་ཡང་ཡོངས་སུ་ཉམས་མི་འགྱུར།། སངས་རྒྱས་མཆོད་རྟེན་ཐལ་སྦྱར་ཕྱག་འཚལ་བ།། དེ་ནི
147b2 གཞར་ཡང་ངན་སོང་ཕྱིས་མི་ལྷུང་། ། འཇིག་རྟེན་འདིར་དེ་རྟག་ཏུ་འདོད་པ་སྤོངས།། ནོར་ཅན་ནང་ན་ཕྱུག་ཅིང་མཛོད་མང་འགྱུར།། ཡོན་ཏན་ལྡན་ལ་ཚིག་གཅིག་སུ་སྨྲ་བ།། དེ་ནི་མི་རིགས་སྔགས་ལ་གཞར
147b3 མི་སྤྱོད། ། མི་ཡི་འཇིག་རྟེན་གནས་མིན་སྤྱོད་མི་འགྱུར།། དེ་ལ་སེམས་ཅན་མི་ངོམས་དགའ་བར་འགྱུར།། ཡིད་འོང་དབྱངས་ལྡན་ཕོ་བྲང་འཁོར་གཤེགས་ཤིང་།། འཇིག་རྟེན་མགོན་པོ་སྒོ་གཏན་བཞུགས།
147b4 པའི་ཚེ།། སུ་ཞིག་ཤུགས་བསྐྱེད་མེ་ཏོག་བླངས་ཏེ་གཏོར།། དེ་ནི་བརྒྱན་ནས་རྒྱལ་བ་དམ་པ་མཐོང་།། རང་གི་ཁྱིམ་དུ་སྟོབས་བཅུ་བསྙེན་བཀུར་བྱེད།། དེ་ཡི་བཤོས་གསོལ་ཆོས་བཟང་སྟོན་པ་མཛད།།
147b5 དད་པ་སྐྱེས་ནས་མི་མཆོག་བསྙེན་བཀུར་བྱེད།། གོས་ཀྱང་ཐོགས་ཏེ་རྣམ་པར་འདྲེན་ལ་འབུལ།། སངས་རྒྱས་བྱང་ཆུབ་མཚུངས་མེད་མཆོག་ཐོབ་ནས།། སྟོབས་བཅུ་ལྡན་ཞིང་གཡོ་བ་མེད་གྱུར་ལ།།
147b6 བྱང་ཆུབ་སངས་རྒྱས་སྡུག་བསྔལ་སྐྱེ་བོ་འགྲོལ།། འཇིག་རྟེན་ཀུན་ཏུ་མཚུངས་མེད་སངས་རྒྱས་ཤོག། དེ་ཡི་སྨོན་ལམ་འདི་འདྲ་འདི་དང་ནི།། སངས་རྒྱས་ཡེ་ཤེས་དེ་སེམས་དགའ་མཁྱེན་ནས།། སྟོབས
147b7 བཅུ་འཛུམ་མཛད་འཇིག་རྟེན་ཐམས་ཅད་དུ། ། མཚུངས་མེད་སངས་རྒྱས་འགྱུར་ཞེས་ལུང་སྟོན་ཏོ།། སྐྱེས་བུ་དམ་པ་མཆོག་གི་གསུང་ཐོས་ནས།། བདེ་གཤེགས་མཆོག་གསུང་གཞན་དུ་མི་འགྱུར་ཏེ།
iiif viewer powered by OpenSeadragon
