| e-texts navigator |
| Wylie |
145b1 ། འགྲོ་སྟེ།། དཀར་ནག་གང་ཡིན་བདག་ཅག་ཇི་ལྟར་གནས།། འདི་ནས་ཤི་འཕོས་ཇི་ལྟར་མིང་སྐྱེ་ཞེས།། བློ་ལྡན་དེ་ནི་མཐོ་རིས་འདི་གནས་འགྱུར།། སངས་རྒྱས་སྦྱིན་གནས་མྱུར་དུ་མཐོང་འགྱུར་ཏེ།
145b2 མཐོང་ནས་མཆོད་ཅིང་མཚུངས་མེད་བསྟི་སྟང་བྱེད།། སངས་རྒྱས་མཐོང་ནས་བྱང་ཆུབ་མོས་སྐྱེད་ཅིང་།། རྡུལ་བྲལ་རྣམས་ལ་ཕྱིར་ཞིང་བསྟི་སྟང་བྱེད།། ཡེ་ཤེས་མཐའ་ཡས་ལྡན་དང་མཐུ་ཆེན་འགྱུར།།
145b3 ཁྱད་པར་ས་གནས་འཕགས་པའི་སེམས་ཅན་འགྱུར།། བཅོམ་ལྡན་འདས་ལ་དད་པའི་སེམས་བསྐྱེད་ནས།། འདི་འདྲའི་དཔལ་འདི་ཕྱིར་ཞིང་མྱོང་བར་འགྱུར།། ང་ཡི་བྱ་བ་འདི་ནི་བརྗོད་པར་བྱ།། ངས
145b4 བརྗོད་འདི་ལ་ཐེ་ཙོམ་མ་སྐྱེད་ཅིག། སངས་རྒྱས་དཀའ་སྤངས་མནར་མེད་འགྲོར་འགྱུར་ཞིང་།། ཕྱིན་ཆད་སྡུག་བསྔལ་ཉོན་མོངས་གྱུར་ཏ་རེ།། འཇིག་རྟེན་སྒྲོན་མ་མཚུངས་མེད་བསོད་ནམས་ཞིང་།།
145b5 དེ་ཡི་མཆོད་རྟེན་བརྒྱ་སུ་སེལ་བ།། བག་ཡོད་གྱུར་ནས་དེ་ནི་བདུད་བརྒྱ་འདྲལ།། དུས་རྣམས་ཀུན་ཏུ་ངན་སོང་ས་ཡང་སྤོང་།། རྟག་ཏུ་སངས་རྒྱས་རྡུལ་བྲལ་བསྟི་སྟང་བྱེད།། རྟག་ཏུ་སྟོབས་ལྡན
145b6 ལོ་སྒྱུར་བར་འགྱུར། ། མི་ཡི་འཇིག་རྟེན་སྐྱེས་ན་བསོད་ནམས་ལྡན།། རྒྱལ་པོ་ཀུན་གྱིས་མཆོད་པའི་གནས་སུ་འགྱུར།། ལྷ་ནང་ལྷ་ཡི་དབང་པོ་མཆོད་གནས་འགྱུར།། དེར་ནི་མྱུར་དུ་ལྷ་ཡི་ཚེ་ཡང་ཐ
145b7 དཔལ་ལྡན་གསེར་གྱི་གཞལ་མེད་ཁང་པ་རྙེད། ། ལྷ་ཡི་བདེ་བ་མཚུངས་མེད་དབང་ཕྱུག་ཉིད།། གཟུགས་དང་སྒྲ་དང་དྲི་རབ་རོ་མཆོག་དང་།། རེག་བྱ་དཔལ་ལྡན་ལྷ་ཡི་འཇིག་རྟེན་ཐོབ།། མཐུ་ཆེན་ལྡན་དང
iiif viewer powered by OpenSeadragon
