| e-texts navigator |
| Wylie |
144b1 ཕྱི་མའི་དུས་ན་འདིར་འདི་འཛིན། ། གང་དག་ཕྱིན་ཆད་མདོ་མཆོག་འདི་འཛིན་པ།། དེ་དག་རྟག་ཏུ་དང་མཐུན་པའི་སྲས།། སངས་རྒྱས་བྱེ་བས་དེ་དག་བསྔགས་བརྗོད་ཀྱང་།། དེ་དག་བསྔགས་པ་མཐར་ནི
144b2 ཕྱིན་མི་འགྱུར། ། གང་དག་ཕྱི་དུས་རྒྱལ་བའི་ཆོས་འཛིན་པ།། སངས་རྒྱས་བྱེ་བ་ཁྲག་ཁྲིག་བརྒྱ་མཐའ་ཡས།། བསྐལ་པ་བྱེ་བར་བཞུགས་ཏེ་དེ་དག་གིས།། བསྔགས་པ་བརྗོད་ཀྱང་མཐའ་མར་ཕྱིན་མི་ནུས།།
144b3 དྲི་ཞིམ་ཡིད་འོང་སྤོས་ཀྱིས་ཆོ་ག་བཞིན།། སངས་རྒྱས་མཆོད་རྟེན་ལ་ནི་སུ་སྐུད་པ།། དེ་ནི་ཐོབ་རྙེད་འཇིག་རྟེན་ཀུན་ཏུ་རྒྱུ།། དེ་ནི་ས་འདིར་སྙིང་པོ་བླངས་པར་འགྱུར།། རྒྱལ་བའི་མཆོད་རྟེན་སྤོས་བྱུག་ཕུལ
144b4 བྱས་ན། ། བཅོམ་ལྡན་འདས་ཀྱི་བསྟན་པ་འཇིག་འགྱུར་ཚེ།། འཛམ་བུའི་གླིང་དུ་སྐྱེ་བར་མི་འགྱུར་ཞིང་།། དེ་ནི་དེ་ཚེ་མཐོ་རིས་བདག་པོར་འགྱུར།། རྒྱལ་བའི་མཆོད་རྟེན་སྤོས་བྱུག་ཕུལ་བྱས་ན།། དྲི་མི
144b5 ཞིམ་དང་མི་གཙང་སྨད་པ་རྣམས། ། རྟག་ཏུ་སྤོང་ཞིང་ཚུལ་ཁྲིམས་ཕུང་པོར་གནས།། དེ་ནི་རྟག་ཏུ་ཚངས་སྤྱོད་མཆོག་འདིར་སྤྱོད།། རྒྱལ་བའི་མཆོད་རྟེན་སྤོས་བྱུག་ཕུལ་བྱས་ན།། འདི་ནས་ཤི་འཕོས་མཐོ
144b6 རིས་ལྷ་དབང་འགྱུར། ། རིན་པོར་མི་ཐོགས་དོན་སྟོང་རྣམས་ལ་རྟོག། ལྷ་རྣམས་ལ་ནི་རྒྱུ་ཆེན་དོན་ཀྱང་བྱེད།། རྒྱལ་བའི་མཆོད་རྟེན་སྤོས་བྱུག་ཕུལ་བྱས་ན།། གང་གི་ཚེ་ན་མི་ཡི་འཇིག་རྟེན་ན།། ཞེ་སྡང་མེད
144b7 སེམས་འཇམ་ཞིང་མཉེན་འགྱུར་བ། ། དེ་ཚེ་དེན་འཛམ་བུའི་གླིང་དུ་གནས།། རྒྱལ་བའི་མཆོད་རྟེན་སྤོས་བྱུག་ཕུལ་བྱས་ན།། ཁྱད་འཕགས་ཚིག་ལྡན་སྒྲ་དབྱངས་ཡིད་འོང་འགྱུར།། སྐྱེ་བོ་མང་པོ་ཡིད་འོང
iiif viewer powered by OpenSeadragon
