| e-texts navigator |
| Wylie |
143b1 སྤུ་ཁུང་ནས་ཙན་དན་དྲི་ངང་འབྱུང་།། བཅོམ་ལྡན་མྱ་ངན་འདས་པའི་མཆོད་རྟེན་ཕྱགས།། བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ།། ཡན་ལག་མ་སྨད་ཁྱད་འཕགས་ལུས་ཐོབ་ཅིང་།། མཛེས་ལ་མཚན་གྱིས།
143b2 གོ་ཆར་བྱས་པར་འགྱུར།། བཅོམ་ལྡན་མྱ་ངན་འདས་པའི་མཆོད་རྟེན་ཕྱགས།། ལྷ་ཡི་ཙན་དན་ཁྱད་འཕགས་རབ་མཛེས་པའི།། གཞལ་མེད་ཁང་མཆོག་ཡིད་འོང་དྲི་ལྡན་ཐོབ།། དེ་ནི་དེ་ལ་གཞར་ཡང་སྲེད
143b3 མི་སྐྱེད། ། བཅོམ་ལྡན་མྱ་ངན་འདས་པའི་མཆོད་རྟེན་ཕྱགས།། ཡིད་བོང་དྲི་ལྡན་མཆོག་ཏུ་བལྟ་སྡུག་པའི།། ལྷ་ཡི་བུ་མོ་བྱེ་བ་སྟོང་འཐོབ་ཅིང་།། དེ་ནི་དེ་ལ་ནམས་ཀྱང་ཆགས་མི་སྐྱེད།། བཅོམ།།
143b4 ། ལྡན་མྱ་ངན་འདས་པའི་མཆོད་རྟེན་ཕྱགས།། བསྐྱེད་མོས་ཚལ་མཆོག་ཡོད་པའི་རྫིང་བུ་ནི།། ཡན་ལག་བརྒྱད་ལྡན་ཆུ་གཙང་མཛེས་གྱུར་པ།། མེ་ཏོག་ཨུཏྤ་ལས་ནི་རྒྱས་པ་ཐོབ།། བཅོམ་ལྡན་མྱ་ངན
143b5 འདས་པའི་མཆོད་རྟེན་ཕྱགས། ། དེ་ཡི་གཡོག་འཁོར་རྟག་ཏུ་མཐུན་འགྱུར་ཞིང་།། མི་དམན་སེམས་ཅན་ལྷ་ཡི་སྒྲ་ཡང་ཐོས།། ལྷ་མོ་རྣམས་ཀྱི་གླུ་དབྱངས་སྙན་སྒྲ་ཐོབ།། བཅོམ་ལྡན་མྱ་ངན་འདས་པའི་མཆོད
143b6 རྟེན་ཕྱགས། ། འཇིག་རྟེན་ཀུན་དུ་སྐྱེས་ཚེ་བདག་ཉིད་ཀྱིས།། འདི་ནས་ཤི་འཕོས་ངན་འགྲོར་མི་འགྲོ་ཞིང་།། མི་ཡི་འཇིག་རྟེན་སངས་རྒྱས་མཐོང་བར་ཤེས།། བཅོམ་ལྡན་མྱ་ངན་འདས་པའི་མཆོད་རྟེན་ཕྱགས།།
143b7 དེ་ནི་ལྷ་ལ་སྙན་པའི་གཏམ་བྱས་ཏེ།། སངས་རྒྱས་ཡེ་ཤེས་རྫོགས་ལ་ལྷ་བཀོད་ནས།། ཤི་བའི་དུས་བྱས་འཛམ་བུའི་གླིང་དུ་སྐྱེ།། བཅོམ་ལྡན་མྱ་ངན་འདས་པའི་མཆོད་རྟེན་ཕྱགས།། བཙས་མ་ཐག
iiif viewer powered by OpenSeadragon
