| e-texts navigator |
| Wylie |
142b1 བཅོམ་ལྡན་མཆོད་རྟེན་འབུལ་བྱེད་པ། ། དེ་འདིར་ལུས་ནི་མཚུངས་པ་མེད་འགྱུར་ཏེ།། སུམ་ཅུ་རྩ་གཉིས་མཚན་གྱིས་གོ་ཆར་འགྱུར།། གང་གིས་རྒྱལ་བའི་སྐུ་ནི་རབ་འབར་ཞིང་།། ཁྱད་པར་འཕགས
142b2 པའི་གཟུགས་དང་སེམས་འདྲ་དང་། ། འཛམ་གླིང་གསེར་ལྟར་རབ་མཛེས་ལྟ་ན་སྡུག། མཚན་གྱིས་མེ་ཏོག་རྒྱས་པས་མངོན་ཏུ་གང་།། མངོན་པར་ཤེས་པ་ཐོབ་ཅིང་དབང་ཆེར་གྲགས།། བྱང
142b3 ཆུབ་སྤྱོད་མཆོག་དམ་པ་ཞི་བ་སྤྱོད། ། དེ་ནི་ནམས་ཀྱང་ལོངས་སྤྱོད་འགྲིབ་མི་འགྱུར།། ལྷས་ཀྱང་བསྟི་སྟང་བྱ་ཞིང་མཆོད་པར་འོང་།། བརྟན་པ་འདོད་པའི་ལོངས་སྤྱོད་གཞར་མི་དཀའ།། ཚུལ་ཁྲིམས
142b4 རྣམ་དག་རབ་མཁས་ཚངས་པར་སྤྱོད། ། ཡི་དམ་བཅས་ནས་ནགས་དང་ནགས་འདབ་སོང་།། མངོན་ཤེས་ཐོབ་ཅིང་ཁྱད་པར་ཐོབ་པར་འགྱུར།། བཅོམ་ལྡན་མཆོད་རྟེན་རྣམས་ལ་གདུགས་འབུལ་བ།། ཇི།
142b5 ལྟ་བུར་ཡང་བྱང་ཆུབ་སེམས་མི་འདོར།། བྱམས་ལ་གནས་ཤིང་མི་དམན་སེམས་སུ་འགྱུར།། དེ་ཡི་ཤེས་པ་རྣམས་ཀྱང་ཉམས་པ་མེད།། རོལ་མོའི་སྒྲ་ཡིས་མི་མཆོག་མཆོད་བྱས་ན།། མྱ་ངན་མེད
142b6 ཅིང་དབང་ལྡན་རྒྱལ་པོར་འོང་། ། མི་ཡི་འཇིག་རྟེན་ཡིད་འོང་སྒྲ་ལྡན་འགྱུར།། དེ་སྒྲ་ཡན་ལག་ཚང་ཞིང་དག་པར་འོང་།། བཅོམ་ལྡན་མཆོད་རྟེན་རོལ་མོའི་སྒྲ་བྱས་ན།། ཤེས་བཞིན་ལྡན་ཞིང
142b7 མིག་ནི་རྣམ་དག་འགྱུར། ། རྣ་བ་རྣམ་པར་དག་ཅིང་སེམས་ཀྱང་དགའ།། སྣ་ཡི་དབང་པོ་མཆོག་དང་ལྡན་པར་འགྱུར།། དེ་ཡི་ལྕེ་ནི་རབ་མཛེས་བལྟ་ན་སྡུག། ཐོབ་མར་རབ་མཉེན་མཛེས་ཤིང་སྒྲ
iiif viewer powered by OpenSeadragon
