| e-texts navigator |
| Wylie |
141b1 རྟེན་ཀུན་ཏུ་རྒྱུ། ། གལ་ཏེ་རྒྱལ་བ་དམ་པར་བྱུང་གྱུར་ན།། དེ་བཞིན་གཤེགས་པ་རྣམས་དང་ཉེ་བར་འགྱུར།། ཉེ་དུར་འགྱུར་རམ་ཡང་ན་བུར་ཡང་འགྱུར།། དེ་ནི་ཡེ་ཤེས་ཕུང་པོ་མྱུར་དུ་ཐོབ།། གལ་ཏེ་ཁྲག
141b2 ཁྲིག་བརྒྱ་སྟོང་སངས་རྒྱས་ཞིང་། ། ཡུངས་བཅུ་དག་གིས་བྱུང་ངུར་གང་གྱུར་པ།། བཟང་བ་དང་ནི་གཞལ་ཞིང་བརྗོད་པར་ནུས།། བདེ་གཤེགས་མར་མེ་གཅིག་ཕུལ་དེ་ལྔ་མིན།། སངས་རྒྱས་དམ་པ་མཚུངས་མེད་བྱིན
141b3 པའི་གནས། ། སྤྱོད་པ་མཆོག་སྤྱད་ཁྱད་པར་བརྙེས་གྱུར་པ།། མི་མཆོག་དེ་ལ་མཆོད་པ་འདིར་བྱས་པ།། རྣམ་པར་སྨིན་པ་དམ་པ་གཞལ་ཡས་འགྱུར།། གལ་ཏེ་མི་མཇེད་འཇིག་རྟེན་ཁམས་འདི་ཀུན།།
141b4 ནོར་བུ་རིན་ཆེན་བཻ་ཌཱུཪྻས་གང་བ།། ཟད་པར་བྱ་ནུས་སངས་རྒྱས་མཆོད་རྟེན་ལ།། མར་མེ་གཅིག་ཕུལ་དཔལ་དེ་ཟད་མི་འགྱུར།། ཀར་ཤ་པ་ཎ་ས་མི་མཇེད་འཇིག་རྟེན་ཁམས།། འོག་ནས་སྲིད་པའི་རྩེ་མོ
141b5 བར་གང་བ། ། ཟད་པར་བྱ་ནུས་སངས་རྒྱས་མཆོད་རྟེན་ལ།། མར་མེ་གཅིག་ཕུལ་དཔལ་དེ་ཟད་མི་འགྱུར།། སངས་རྒྱས་ཞིང་སྟོང་དེ་དག་ཙན་དན་གྱིས།། འོག་ནས་སྲིད་པའི་རྩེ་མོ་བར་གང་བ།། ཟད་པར
141b6 བྱ་ནུས་སངས་རྒྱས་མཆོད་རྟེན་ལ། ། མར་མེ་གཅིག་ཕུལ་དཔལ་དེ་ཟད་མི་འགྱུར།། ཚངས་པའི་འཇིག་རྟེན་ཡོད་པའི་ལྷ་རས་ཀྱི།། གོས་ཀྱིས་སངས་རྒྱས་ཞིང་སྟོང་གང་གྱུར་པ།། ཟད་པར་བྱ་ནུས་སངས
141b7 རྒྱས་མཆོད་རྟེན་ལ། ། མར་མེ་གཅིག་ཕུལ་དཔལ་དེ་ཟད་མི་འགྱུར།། ཀླུ་དང་ལྷ་མིན་མི་དང་ལྟོ་འཕྱེ་ཆེ།། ལྷ་ཡི་ལྷ་རྫས་ནོར་བུ་རིན་ཆེན་མང་།། ཟད་པར་བྱ་ནུས་སངས་རྒྱས་མཆོད་རྟེན་ལ།། མར
iiif viewer powered by OpenSeadragon
