| e-texts navigator |
| Wylie |
141a1 སེམས་ནི་ཞུམ་མི་འགྱུར། ། འདོད་པ་རྣམས་ནི་ངན་སྐྱུགས་ཁུང་ལྟར་སྤོང་།། ཁྱད་འཕགས་གཟུགས་དང་མཚན་རྣམས་རབ་ཏུ་ཐོབ།། ཁྱད་འཕགས་རིགས་དང་དེ་བཞིན་དབང་ཕྱུག
141a2 ཉིད། ། དི་ཡི་གཡོག་འཁོར་རྟག་ཏུ་མི་ཕྱེད་འགྱུར།། སྐྱེ་བོ་མང་པོས་མདུན་དུ་བདར་བར་འོང་།། དེ་ནི་གཞན་ལ་གནོད་པའི་སེམས་མི་སྐྱེ།། སེམས་ནི་རབ་དང་རྟག་ཏུ་བག་ཡོད་ལྡན།། དེ་ལ་མེ་དང
141a3 དུག་དང་མཚོན་མི་ཚུགས། ། སྐྱེ་བོ་ཚོགས་ཚན་གྱིས་ནི་བལྟ་བར་འགྱུར།། རབ་ཏུ་དགའ་ཞིང་ཐུབ་པའི་ཆོས་ལ་སྤྱོད།། ཤེས་བཞིན་ལྡན་ནས་ཡིད་བདེ་སྐྱེད་པར་བྱེད།། འཛིན་པ་མེད་ཅིང་ཆགས
141a4 མེད་སེམས་དང་ལྡན། ། ཆགས་མེད་གྱུར་ནས་དེ་ལ་མི་མཐུན་མེད།། དེ་ཡི་ལུས་གཙང་ཀུན་ནས་ཉོན་མོངས་མེད།། རྣམ་དག་སེམས་ལྡན་དེ་ནི་བདེན་པར་སྨྲ།། འཇིག་པས་ཉེས་པ་རྣམས་ལ་ཡིད་བདེ
141a5 སྐྱེད། ། སེམས་ཅན་རྣམས་ཀྱི་སྐྱབས་དང་དཔུང་གཉེན་འགྱུར།། དེ་ནི་བདག་དོན་རྒྱ་ཆེན་བྱས་ནས་སུ།། གཞན་ཡང་སངས་རྒྱས་ཡེ་ཤེས་རྫོགས་ལ་འགོད།། ཤིང་དབང་ཤིང་མཆོག་དམ་པའི་དྲུང་སོང
141a6 ནས། ། མཚུངས་མེད་མཆོག་ཞིང་བྱང་ཆུབ་ཚང་ཡང་རྒྱ།། སངས་རྒྱས་མཆོད་རྟེན་མར་མེ་གཅིག་ཕུལ་ན།། འདི་ནས་བཟུང་སྟེ་སྲིད་པའི་རྩེ་མོའི་བར།། སངས་རྒྱས་ཞིང་ནི་འཛམ་གླིང་གསེར་གྱིས་གང་།།
141a7 དེ་འདྲའི་དཔལ་དེ་ཟད་པར་བྱ་མི་ནུས།། བཅོམ་ལྡན་མཆོད་རྟེན་མར་མེ་ཕུལ་བྱས་ན།། དེ་ཡི་ལུས་ནི་མདོག་ངན་ཡོད་མི་འགྱུར།། གཟུགས་མཆོག་སྲ་ཞིང་ལག་པ་གཟུ་བ་འདྲ།། སྣང་བ་ཐོབ་ནས་འཇིག
iiif viewer powered by OpenSeadragon
