| e-texts navigator |
| Wylie |
140b1 སངས་རྒྱས་སྟོབས་བཅུ་དེད་དཔོན་མཐོང་ནས་ནི།། དགའ་བའི་སེམས་ཀྱིས་གདུགས་དང་བ་ངན་དང་།། མར་མེ་རྣམས་ཀྱིས་བཅོམ་ལྡན་འདས་ལ་མཆོད།། བྱང་ཆུབ་སྤྱོད་མཆོག་འདི་ནི་རྟག་པར་སྤྱོད།།
140b2 མི་ཡི་འཇིག་རྟེན་བླ་མར་བསྙེན་བཀུར་བྱེད།། ལྷ་ནང་ལྷ་ཡི་ངག་དང་མི་ཡི་གཙོ།། ཡིད་འོང་སྤོས་མཛེས་བལྟ་ན་སྡུག་པ་དང་།། ནོར་བུ་ཤེས་འདྲ་སྣ་ཚོགས་ལྡན་པ་ཐོབ།། རི་རབ་རྩེ་མོར་ལྷ་ནང་རབ་ཏུ་གསལ།།
140b3 ལྷ་ཀུན་སློབ་མར་གྱུར་ནས་མངོན་དུ་འདུད།། ཆོས་ཀྱིས་དེ་དག་ཡིད་བདེ་སྐྱེད་པར་བྱེད།། དེ་ལ་དད་མཆོག་གཞའ་གསང་ཐོབ་པར་འགྱུར།། དེ་ནས་ཤི་འཕོས་མི་ཡི་འཇིག་རྟེན་དུ།། རྒྱལ་པོ་དམ་པ་སྟོབས
140b4 ལྡན་འཁོར་ལོས་སྒྱུར། ། དེ་ལ་སེམས་ཅན་སུ་ཡང་སྡིག་མི་སྐྱེ།། སྐྱེ་བོ་མང་པོ་དགའ་ཞིང་ཡིད་འོང་འགྱུར།། རྡུལ་བསལ་སེམས་ཅན་མཆོག་ལ་རྒྱལ་མཚན་ཕུལ།། རིང་པོར་མི་ཐོགས་ནོར་མང་རྙེད་པར
140b5 འགྱུར། ། ཤེས་རབ་མཐའ་ཡས་མཛོད་ནི་མང་ལྡན་འོང་།། སེམས་ཆུང་མི་འགྱུར་དམན་པའི་སེམས་མི་འགྱུར།། ལོངས་སྤྱོད་རྙེད་ནས་བགྱེད་ཅིང་བདག་ཀྱང་སྦྱོར།། དེ་ནི་འཇིགས་མེད་ཡིད་མི་བདེ་བ་མེད།།
140b6 རྒྱལ་པོ་དགའ་ནས་གྲོང་དང་ཡུལ་འཁོར་བསྐྱེད།། དེ་ལ་སེམས་ཅན་སུ་ཡང་སྡིག་མི་སྐྱེ།། གཙོ་བོ་ཁྱད་པར་འཕགས་པ་མཛོད་མང་ཞིང་།། ཁྱིམ་བདག་རིན་ཆེན་སྣ་ཚོགས་ལུས་བརྒྱན་འགྱུར།། རྒྱལ་པོའི
140b7 བུའམ་དེ་བཞིན་བློན་པོ་འོང་། ། རྒྱལ་པོར་གྱུར་ན་སྟོབས་ལྡན་བརྫི་བ་མེད།། བརྙེས་པའི་རིགས་དམན་ཐམས་ཅད་ཡོངས་སུ་སྤོང་།། ལོངས་སྤྱོད་ཁྱད་འཕགས་རིགས་མཆོག་རྙེད་ནས་ནི།། རྟག་ཏུ་བག་ཡོད
iiif viewer powered by OpenSeadragon
