| e-texts navigator |
| Wylie |
140a1 ཞིང་ཀུན་རབ་ཏུ་བཀང་བ་ཡིན། ། དེ་འདྲའི་དཔལ་འདི་ཟད་པར་བྱ་ནུས་ཀྱི།། རྒྱལ་བའི་མཆོད་རྟེན་གོས་གཅིག་ཕུལ་བ་མིན།། ནོར་བུ་རིན་ཆེན་ཟླ་བའི་འོད་རྣམས་ཀྱིས།། བྱེ་བ་ཁྲག
140a2 ཁྲིག་བརྒྱ་སྟོང་ཞིང་བཀང་བ། ། དེ་འདྲའི་དཔལ་འདི་ཟད་པར་བྱ་ནུས་ཀྱི།། རྒྱལ་བའི་མཆོད་རྟེན་གོས་གཅིག་ཕུལ་བ་མིན།། འཇིག་རྟེན་སངས་རྒྱས་འགྱུར་ཞེས་མོས་བསྐྱེད་དེ།། བཅོམ་ལྡན་མཆོད་རྟེན
140a3 བ་དན་ཕུལ་བྱས་ན། ། དེ་ནི་སྐྱེ་བོ་མང་པོའི་མཆོད་པོས་འགྱུར།། བྱང་ཆུབ་མཆོད་སྤྱོད་དམ་པ་ཞི་བ་སྤྱོད།། བཅོམ་ལྡན་མཆོད་རྟེན་པ་ངན་ཕུལ་བྱས་ན།། དག་ཅིང་མཆོག་གི་ལུས་ནི་ཐོབ་འགྱུར་ཏེ།།
140a4 དཔེར་ན་གསེར་ལྟར་ཤིན་ཏུ་དཀར་འགྱུར་ཞིང་།། ལྷ་ཡིས་བསྔགས་ལ་མཆོད་ཅིང་བླ་མར་བྱེད།། དེ་ཡི་ལུས་ནི་གསེར་གྱི་མདོག་འདྲར་འགྱུར།། རས་ཀྱི་གོས་དངལ་བ་བཟང་རབ་དང་།། དུ་གུ་ལ་དང་ཀ་ཤི
140a5 པ་རྣམས་དང་། ། ཤིན་ཏུ་མཛེས་པའི་གོས་ཀྱང་རྙེད་པར་འགྱུར།། འཛམ་བུའི་གླིང་ན་རིགས་མཆོག་དམ་པ་གང་།། ཕྱུག་ཅིང་ཆེ་ཉིད་བདག་དབང་ནོར་མང་བ།། དེ་དག་ཏུ་ནི་རྟག་ཏུ་དེ་སྐྱེ་སྟེ།། དམན
140a6 ཤིང་མཆོག་ཏུ་དབུལ་བ་རྣམ་པར་སྤངས། ། དེ་ལ་སེམས་ཅན་སུ་ཡང་ཕྲག་དོག་མེད།། སེམས་ཅན་གནོད་པར་སེམས་པ་གཞན་མི་འབྱུང་།། གཞན་གྱི་སྡིག་པའི་ལས་ལ་དེ་སྨོད་དེ།། རྟག་ཏུ་བག་ཡོད
140a7 ཚུལ་ཁྲིམས་རྣམ་ངག་འགྱུར། ། འཛིན་པ་མེད་ཅིང་སེར་སྣ་མེད་པར་འོང་།། གཏོང་བ་རབ་བཏང་མྱ་ངན་མེད་པ་ཐོབ།། དེ་ནི་སྲོག་ཕྱིར་གཞན་ལ་སྦྱིན་མི་བྱེད།། བོང་པ་མེད་བྱེད་རྟག་ཏུ་བག་ཡོང་འགྱུར།
iiif viewer powered by OpenSeadragon
