| e-texts navigator |
| Wylie |
139b1 ཆུབ་མཚུངས་མེད་ཐོབ། ། སེམས་ཅན་བྱེ་བ་ཁྲག་ཁྲིག་བརྒྱ་མཐའ་ཡས།། མྱ་ངན་མེད་བདེ་ཞི་བ་མཆོག་བཀོད་ཅིང་།། འཁོར་ལོ་མཚུངས་མེད་འཇིག་རྟེན་ཀུན་བསྐོར་ནས།། ཕྱི་ནས་ཉོན་མོངས་རྡུལ
139b2 མེད་མྱ་ངན་འདས། ། སུ་ཞིག་དགའ་མགུ་སེམས་ཀྱིས་གོས་ཀྱིས་ནི།། བཅོམ་ལྡན་མཆོད་རྟེན་རྣམས་ལ་མཆོད་བྱེད་པ།། དེ་ནི་གོས་མཛེས་བྱེ་བ་སྟོང་རྣམས་དང་།། ཁྲག་ཁྲིག་བརྒྱ་བགྲངས་མཐའ་ཡས།
139b3 རྟག་ཏུ་རྙེད།། བཅོམ་ལྡན་མཆོད་རྟེན་གོས་ཀྱིས་དཀྲིས་བྱས་ན།། དེ་ནི་བཙས་མ་ཐེག་ཏུ་གོས་མཆོག་ཐོབ།། ལྕེ་ཡི་ཁྱང་འཕགས་དར་གོས་རབ་བཟང་རྙེད།། བཙས་མ་ཐག་ཏ་དེ་ལུས་ཤིན་ཏུ་བདེ།
139b4 གང་ཞིག་གོས་ཀྱིས་བཅོམ་ལྡན་མཆོད་རྟེན་དང་།། འདྲེན་པ་མཚུངས་མེད་རྣམས་ལ་མཆོད་བྱེད་པ།། དེ་འདིར་མཚུངས་པ་མེད་པའི་ལུས་ཐོབ་སྟེ།། སུམ་ཅུ་རྩ་གཉིས་མཚན་གྱི་མེ་ཏོག་རྒྱས།།
139b5 བཅོམ་ལྡན་མཆོད་རྟེན་གོས་ཀྱིས་དཀྲིས་བྱས་ན།། ལག་མཐིལ་ནས་ནི་མུ་ཏིག་ཕྲེང་མཛེས་པ།། སྣ་ཚོགས་དག་དང་སེང་གེའི་ཕྲེང་བ་དང་།། གསེར་སྐུད་རབ་མཛེས་བསྐལ་པ་མཐའ་ཡས་འབྱུང་།། བཅོམ།།
139b6 ལྡན་མཆོད་རྟེན་གོས་ཀྱི་དཀྲིས་བྱས་ན།། ལྷ་འམ་གྲུ་འམ་མི་འམ་ལྟོ་འབྱེ་ཆེ།། སུ་ཡང་དེ་ལ་མ་དང་སྐྱེད་མི་བྱེད།། རྟག་ཏུ་ཚངས་པར་སྤྱོད་པ་མཆོག་འདི་སྤྲོ།། བཅོམ་ལྡན་མཆོད་རྟེན་གོས་ཀྱིས་དཀྲིས་བྱས
139b7 ན། ། སྟོང་གི་འཇིག་རྟེན་ཁམས་ཀུན་ཟིལ་གནོན་ཏེ།། འཛམ་གླིང་གསེར་གྱིས་གསེར་ནི་ཟིལ་མནན་བཞིན།། སྐྱེ་དགུའི་དོན་ནི་དཔག་ཏུ་མེད་པ་བྱེད།། གལ་ཏེ་རིན་ཆེན་རབ་མཆོག་སྣ་བདུན་གྱིས།། སྟོང་གི
iiif viewer powered by OpenSeadragon
