| e-texts navigator |
| Wylie |
139a1 སྤྱོད་ཚེ་མྱ་ངན་འདུལ། ། སྐྱེ་བོ་མང་པོ་དགའ་ཞིང་ཡིད་དུ་འོང་།། རྒྱལ་པོ་ཐོབ་ནས་རྒྱལ་བ་མཆོག་བཀུར་འགྱུར།། མཐུ་ཆེན་རབ་མཁས་འཁོར་ལོས་སྒྱུར་འགྱུར་ཏེ།
139a2 གསེར་གྱི་མདོག་ལྡན་མཚན་གྱི་གོ་ཆ་ཅན།། འཇིག་རྟེན་ཀུན་ན་ཡིད་འོང་དྲི་ལྡན་ཐོབ།། དེ་ལ་ཡིད་མི་བདེ་དང་སྡུག་བསྔལ་མེད།། སྤྱད་པ་སྤྱོད་ཚེ་ལོངས་སྤྱོད་ཉམས་མི་འགྱུར།། ཕྱུག
139a3 ཅིང་ནོར་ལྡན་མཛོད་ནི་རབ་ཏུ་མང་། ། མྱ་ངན་མེད་འགྱུར་འཇིག་རྟེན་ཀུན་ཏུ་རྒྱུ།། སྐྱེ་བོ་མང་པོ་ལྷགས་ཏེ་དེ་ལ་འདྲི།། རྒྱལ་བ་མཆོག་གི་བསྟན་པ་ཁྱད་འཕགས་ཆོས།། ཚིག་རབ་བརྗོད
139a4 ཅིང་ཐེ་ཙོམ་སེལ་བར་བྱེད། ། ཆོས་ཐོས་ཡིད་བདེ་སླར་ཡང་སླུ་བར་བྱེད།། སྡིག་པའི་ལས་མེད་བློ་རྒྱ་ཆེ་དང་ལྡན།། རྒྱལ་བས་གསུངས་པའི་ཆོས་མཆོག་ཁྱད་འཕགས་པ།། དགའ་བར་འགྱུར
139a5 ལ་རྟག་ཏུ་མཁས་བྱས་ཏེ། ། མིག་ཀྱང་སྦྱོར་ཞིང་མུན་པ་སེལ་བར་བྱེད།། འདོད་ཆགས་མི་ཆེན་ཞེ་སྡང་ཆེ་མ་ཡིན།། མི་ཡི་འཇིག་རྟེན་གཏི་མུག་ཆེ་མ་ཡིན།། དེ་ནི་ཚངས་སྤྱད་དག་པ་མཆོག་འདི་སྤྱོད།།
139a6 མི་ཡི་དོན་ནི་དཔག་ཏུ་མེད་པ་བྱེད།། བཅོམ་ལྡན་མཆོད་རྟེན་རྣམས་ལ་སྤོས་བདུགས་ན།། དེ་ལ་གནོད་པར་སེམས་པ་སུ་ཡང་མེད།། དེ་ནི་ནམས་ཀྱང་ལོངས་སྤྱོད་ཉམས་མི་འགྱུར།། བལྟ་བར
139a7 བོས་ཤིང་ནོར་ཆེན་ལྡན་པར་འགྱུར། ། བསྐལ་པ་བྱེ་བ་ཁྲག་ཁྲིག་བརྒྱ་རྣམས་སུ།། སེམས་ནི་རྣམ་དག་སྡིག་པ་རྣམ་དག་ཅིང་།། ཞི་ཞིང་རབ་ཞི་ཞི་དུལ་ལྡན་གྱུར་ནས།། མི་དམན་སེམས་ཀྱིས་བྱང
iiif viewer powered by OpenSeadragon
