| e-texts navigator |
| Wylie |
136b1 འགྲོ། ། བྱང་ཆུབ་སེམས་དཔའ་རྣམས་ལ་ནི།། མ་བསྡམས་གང་ཞིག་གནོད་བྱེད་པ།། བསྐལ་པ་བྱེ་བ་སྟོང་དག་ཏུ།། ནམས་ཀྱང་སངས་རྒྱས་མཐོང་མི་འགྱུར།། རྫོགས་སངས་རྒྱས་ཀྱི་སྲས་རྣམས་ལ།།
136b2 གང་ཞིག་ཆོས་བཞིན་བསྲུང་བྱེད་པ།། དེས་ནི་ངན་འགྲོ་ཀུན་སྤངས་ཏེ།། མྱུར་དུ་བཟང་འགྲོར་འགྲོ་བར་འགྱུར།། ཕྱུག་ཅིང་ནོར་ཆེན་ལྡན་པ་དང་།། སྟོབས་དང་ལྡན་ཞིང་འཇིགས་པ་མེད།། དྲན་དང་ལྡན
136b3 ཞིང་ཤེས་རབ་ལྡན། ། བདེ་ཞིང་ངོ་ཚ་ཁྲེལ་ལྟས་ལྡན།། གང་དུ་འཇིགས་རྟེན་རྣམས་ཀྱི་སྒྲོན།། ཡོངས་སུ་མྱ་ངན་འདས་གྱུར་པ།། སངས་རྒྱས་མཆོད་རྟེན་མཐོང་ནས་ནི།། ཡང་དང་ཡང་དུ་བསྟི་སྟང་བྱེད།།
136b4 རྫོགས་སངས་རྒྱས་ཀྱིས་གསུངས་པ་ཡི།། འདི་འདྲའི་ཆོས་འདི་ཐོས་གྱུར་ནས།། སངས་རྒྱས་སྲས་པོ་རྣམས་ལ་ནི།། སུ་ཞིག་ཕྱི་ཕྱིར་དད་མི་བྱེད།། གང་གིས་སངས་རྒྱས་སྟོང་རྣམས་དང་།། བརྒྱ་དང་བྱེ།
136b5 བ་བགྲངས་དག་ལ།། བསྐལ་པ་གངྒཱའི་བྱེ་མ་སྙེད།། དེ་སྙེད་བསྐལ་པར་བཀུར་བ་བས།། འཇིག་རྟེན་མགོན་གྱིས་གསུངས་པ་ཡི།། དམ་ཆོས་འཇིག་ཚེ་གང་ཞིག་གིས།། ཉིན་དང་མཚན་དུ་འཛིན་བྱེད་པ།།
136b6 དེ་ནི་བསོད་ནམས་ཁྱད་པར་འཕགས།། ཆོས་འཇིག་དུས་ན་ཆོས་འཛིན་པ།། སྔོན་གྱི་སངས་རྒྱས་ཐམས་ཅད་དང་།། སངས་རྒྱས་ཡེ་ཤེས་རབ་གནས་པ།། ང་ལ་དེས་ནི་མཆོད་པ་བྱས།། དམ་པའི་ཆོས་ནི་འཇིག
136b7 པའི་ཚེ། ། སྟོན་པའི་བསྟན་པ་བསྲུང་བྱེད་པ།། བསྐལ་པ་བྱེ་བ་སྟོང་རྣམས་སུ།། དེ་ནི་ནམས་ཀྱང་ཆུད་མི་འགྱུར།། ལུས་ཀྱིས་བདེ་བ་མྱོང་འགྱུར་ཞིང་།། དེ་ནི་ནད་ཀྱིས་བཏབ་མི་འགྱུར།། དེ་ནི་ཡིད་དུ་མི་འོང
iiif viewer powered by OpenSeadragon
