| e-texts navigator |
| Wylie |
135b1 དཔག་པར་ནུས། ། དེ་དག་ཡོན་ཏན་ཟད་མི་འགྱུར།། སྔོན་གྱི་ལུས་རྣམས་ཐམས་ཅད་ལ།། སྤུ་འཕྲེང་ཇི་སྙེད་ཡོད་པ་རྣམས།། བགྲང་བར་བྱ་ཞིང་དཔག་པར་ནུས།། དེ་དག་ཡོན་ཏན་ཟད་མི་འགྱུར།།
135b2 འགྲོ་བ་ལྔ་པོར་འཁོར་བ་ཡི།། སེམས་ཅན་ཀུན་གྱི་སྤུ་རྣམས་ནི།། བགྲང་བར་བྱ་ཞིང་དཔག་པར་ནུས།། དེ་དག་ཡོན་ཏན་ཟད་མི་འགྱུར།། ས་འདི་ཇི་སྙེད་ཐམས་ཅད་པ།། ཆུ་ཡི་ཕུང་པོར་གནས་གྱུར་ཀྱང་།
135b3 དེ་ནི་བགྲངས་ཞིང་དཔག་པར་ནུས།། དེ་དག་ཡོན་ཏན་བརྗོད་མི་ནུས།། མར་མེ་མཛད་ནས་བཟུང་ནས་ནི།། མ་འོངས་བསྐལ་པ་ཇི་སྙེད་པ།། དེ་ཡི་བར་དུ་ཤིང་ལྗོན་རྣམས།། ཇི་སྙེད་མ་འོངས་འབྱུང་འགྱུར་བ།།
135b4 དེ་དག་འབྲས་བུ་མེ་ཏོག་རྣམས།། དེ་དག་ཟད་པར་ཤེས་པར་ནུས།། བསྐལ་པ་བྱེ་བ་སྟོང་རྣམས་དང་།། ཁྲག་ཁྲིག་དག་ནི་བརྒྱ་བགྲངས་པར།། བརྩོན་པ་ཞིག་གིས་དེ་དག་གི། བསྔགས་འབྲེང་ཡིད་དུ་འོང་བརྗོད
135b5 ཀྱང་། ། སངས་རྒྱས་སྲས་པོ་དེ་དག་གི། ཡོན་ཏན་མཐའ་ནི་བརྗོད་མི་ནུས།། སངས་རྒྱས་སྲས་པོ་དེ་དག་ལ།། མི་གང་མི་དགའ་བྱེད་པ་དེ།། ལྷ་དང་མི་ནི་སྤངས་ནས་སུ།། དེ་དག་དམྱལ་བ་སྤྱོད་ཡུལ་འགྱུར།།
135b6 བྱང་ཆུབ་སེམས་དཔའ་རྣམས་ལ་ནི།། མི་གང་ལ་ལ་གནོད་བྱེད་པ།། མིག་མེད་པ་འམ་ལོང་བ་དང་།། སྡུག་བསྔལ་དཔུང་གཉེན་མེད་པར་འགྱུར།། ཤི་འཕོས་ནས་ནི་མནར་མེད་འགྲོ།། དེ་ནི་འབར་ཞིང་འཇིགས
135b7 སྐྲག་འགྱུར། ། ལུས་ནི་ཆེན་པོར་གྱུར་ནས་ཀྱང་།། སྡུག་བསྔལ་ཚོར་བ་མྱོང་བར་འགྱུར།། ཚེ་རབས་དེ་དང་དེ་དག་ཏུ།། དེ་ལུས་དཔག་ཚད་ཙམ་འགྱུར་ཏེ།། དེ་དག་ཕྲུམ་ལྟར་ཟླུམ་གྱུར་ལ།། ཀུན་ནས་ཡོངས་སུ
iiif viewer powered by OpenSeadragon
