| e-texts navigator |
| Wylie |
135a1 མི་འགྱུར། ། གང་དག་བྱང་ཆུབ་མངོན་ཞུགས་པ།། དེ་དག་བུ་དང་བུ་མོ་དང་།། ཆུང་མ་དགེ་ཞིང་བཟང་མོ་དག། གཏང་ནས་མྱ་ངན་བྱེད་མི་འགྱུར།། དེ་ནི་སྔོན་དུ་འགྲོ་འགྱུར་ཞིང
135a2 བཀྲི་བ་མེད་ལ་མཐོང་ན་དགའ། ། ཕྲག་དོག་དང་ནི་ང་རྒྱལ་གྱིས།། ནམས་ཀྱང་དེ་ལ་གནོད་མི་འགྱུར།། གང་དག་བྱང་ཆུབ་རབ་ཞུགས་པ།། དེ་དག་ཕྲག་དོག་མེད་ཅིང་དེས།། བཟོད་པའི་ཕ་རོལ
135a3 ཕྱིན་པར་འགྱུར། ། ཕན་པ་འདོད་ཅིང་ཡོན་ཏན་ལྡན།། གང་དག་བྱང་ཆུབ་མངོན་ཞུགས་པ།། འཇིག་རྟེན་ཀུན་ན་དེ་རིན་ཆེན།། དེ་དག་འབྱུང་བ་ཤིན་ཏུ་དཀོན།། སྨད་པ་མེད་པའི་སྦྱིན་གནས་འགྱུར།།
135a4 ས་འདི་དག་ནི་རིམ་གྱིས་སུ།། བགྲང་བར་བྱ་ཞིང་དཔག་པར་ནུས།། དེ་དག་རྣམས་ཀྱི་ཡོན་ཏན་མཐའ།། ཚིག་གིས་བསྟན་པར་མི་ནུས་སོ།། སེམས་ཅན་དག་ནི་ཐམས་ཅད་ཀྱི།། དུས་གསུམ་སེམས
135a5 ནི་ཤེས་པར་ནུས། ། དེ་དག་རྣམས་ཀྱི་ཡོན་ཏན་མཐའ།། ཚིག་གིས་བསྟན་པར་མི་ནུས་སོ།། རྒྱ་མཚོ་ཆེན་པོ་བཞི་པོ་དག། སྐྲ་ནི་བྱེ་བ་སྟོང་གཤེགས་པའི།། སྒྲ་ཡིས་ཟད་པར་བྱ་བར་ནུས།། དེ་དག
135a6 ཡོན་ཏན་ཟད་མི་ནུས། ། ས་རྣམས་ཐམས་ཅད་བྱེར་རླགས་པ།། རབ་ཏུ་ཕྲ་རྡུལ་ཤེས་པར་ནུས།། སངས་རྒྱས་སྲས་པོ་དེ་དག་གི། ཡོན་ཏན་མཐའ་ནི་བརྗོད་མི་ནུས།། ཆུ་ཀླུང་ཐམས་ཅད་རབ་འབབ་པ།
135a7 རྒྱུན་ལས་བཟློག་སྟེ་འགྲོ་ཡང་སྲིད།། སངས་རྒྱས་སྲས་པོ་དེ་དག་གི། ཡོན་ཏན་མཐའ་བརྗོད་དེ་ལྟ་མིན།། སེམས་ཅན་དག་ནི་ཐམས་ཅད་ཀྱི།། སྔོན་གྱི་ལུས་རྣམས་ཇི་སྙེད་པ།། བགྲང་བར་བྱ་ཞིང
iiif viewer powered by OpenSeadragon
