| e-texts navigator |
| Wylie |
134b1 ཤེས་རབ་ལྡན། ། བྱང་ཆུབ་དམ་པ་འཚང་ཡང་རྒྱ།། འཇིག་རྟེན་མགོན་པོ་སྐྱོབ་པ་ལ།། འཕྲེང་བའི་ཁང་པ་བྱས་ན་ནི།། དེ་ནི་གཡོག་འཁོར་མི་ཕྱེད་ཅིང་།། རྒྱལ་པོ་འབྱོར་པ་ཆེན་པོར་འགྱུར།། འཕགས
134b2 པ་རྣམས་ཀྱིས་གང་སྤངས་པ། ། སྡིག་པའི་ལས་ནི་སྤོང་བར་བྱེད།། རྫོགས་སངས་རྒྱས་ཀྱིས་བཤད་པ་ཡི།། དགེ་བའི་ལས་ལ་བསྟེན་པར་བྱེད།། ལྷ་འམ་འོན་ཏེ་ཀླུ་རྣམས་སམ།། འཇིག་རྟེན་དག་ན་གང
134b3 མཁས་པ། ། དེ་དག་དགའ་ཞིང་མགུ་བ་དང་།། བསྟི་སྟང་བྱས་ཤིང་བསྔགས་པར་འགྱུར།། བརྟེན་པ་དེ་ནི་གར་སྐྱེས་པར།། བསོད་ནམས་གཟི་བརྗིད་ཤིན་ཏུ་བརྗིད།། ཡུལ་འཁོར་དག་དང་གྲོང་ཁྱེར
134b4 དག། རིགས་དེར་བསྟི་སྟང་བྱེད་པར་འགྱུར་རོ།། སངས་རྒྱས་གཞན་གྱིས་མི་ཐུབ་པ།། རྐང་གཉིས་མཆོག་ལ་སུ་མཆོད་པ།། དེ་དག་མཐུ་སྟོབས་ཆེ་བ་དང་།། གཡོག་འཁོར་ཆེན་པོས་མཛེས
134b5 པར་འགྱུར། ། བྱང་ཆུབ་ཏུ་ནི་སེམས་བསྔོས་ཏེ།། བཕྲེང་བའི་གཙུག་ལག་ཁང་བྱས་ན།། སངས་རྒྱས་རྣམས་ཀྱིས་གང་བསྔགས་པའི།། འབྱོར་པ་དག་ནི་དེ་ཐོབ་བོ།། དེ་ནི་འཐེང་དང་ཞར་བ་དང་།
134b6 སྨསྤང་དང་མ་རུངས་མི་འགྱུར་གནས།། གང་དང་གང་དུ་སྐྱེས་པར་ཡང་།། མཚན་རྣམས་ཀྱིས་ནི་བརྒྱན་པར་འགྱུར།། སེམས་ཅན་དབུལ་པོ་རྣམས་མཐོང་ན།། དེ་ནི་ནོར་གྱིས་སྡུད་པར་བྱེད།། དེ་ནི
134b7 ནོར་དང་ལྡན་འགྱུར་ཞིང་། ། དེ་ནི་བྱང་ཆུབ་སྡུད་པ་སྤྱོད།། བློ་གྲོས་ཆེན་པོས་ས་འདི་ཀུན།། ཡོངས་སུ་བཏང་བ་བྱས་ནས་ཀྱང་།། དམན་པའི་སེམས་སུ་མི་འགྱུར་ཞིང་།། དེ་ནི་རྣམས་ཀྱང་འཕོངས
iiif viewer powered by OpenSeadragon
